ದೇಶದ ಖ್ಯಾತ ಗಾಯಕ ಸೋನು ನಿಗಮ್‌ಗೆ ಬೆದರಿಕೆ: ಕ್ರಮಕ್ಕೆ ಆಗ್ರಹ

ಮುಂಬೈ: ದೇಶದ ಖ್ಯಾತ ಗಾಯಕ ಸೋನು ನಿಗಮ್‌ಗೆ ಬೃಹನ್ಮುಂಬೈ ಮಹಾನಗರ ಪಾಲಿಕೆ ಆಯುಕ್ತರ ಸಂಬಂಧಿಯೊಬ್ಬರಿಂದ ಬೆದರಿಕೆ ಬಂದಿದೆ…

ಹೀಗೆಂದು ಮಹಾರಾಷ್ಟ್ರದ ಬಿಜೆಪಿ ಶಾಸಕ ಅಮಿತ್‌ ಸತಮ್‌ ಆರೋಪಿಸಿದ್ದಾರೆ.

ಬಿಎಂಸಿ ಆಯುಕ್ತ ಇಕ್ಬಾಲ್‌ ಚಹಲ್‌ ಸಿಂಗ್‌ ಅವರ ದೂರದ ಸಹೋದರ ಸಂಬಂಧಿ ರಾಜಿಂದರ್‌ ಚಹಲ್‌ ಸೋನು ನಿಗಮ್‌ಗೆ ಕರೆ ಮಾಡಿ, ಉಚಿತವಾಗಿ ಗಾಯನ ಕಾರ್ಯಕ್ರಮ ನಡೆಸಿಕೊಡುವಂತೆ ಕೇಳಿಕೊಂಡಿದ್ದಾರೆ.

ಇದನ್ನು ನಿಗಮ್‌ ತಿರಸ್ಕರಿಸಿದಾಗ, ಮನೆಗೆ ನೋಟಿಸ್‌ ಕಳುಹಿಸಿ ಮನೆಯನ್ನೇ ಒಡೆದು ಹಾಕುವುದಾಗಿ ಬೆದರಿಕೆಯೊಡ್ಡಿದ್ದಾರೆ. ಇದರ ವಿರುದ್ಧ ಮಹಾರಾಷ್ಟ್ರ ಸರ್ಕಾರ ಕ್ರಮ ತೆಗೆದುಕೊಳ್ಳಬೇಕೆಂದು ಶಾಸಕ ಅಮಿತ್‌ ಆಗ್ರಹಿಸಿದ್ದಾರೆ.