ಶಹೀನ್‌ಬಾಘ್ ಹೋರಾಟ : ಮುಂದುವರಿದ ಸಂಧಾನ ಸಭೆ

ಹೊಸದಿಲ್ಲಿ: ಸುಪ್ರೀಂ ಕೋರ್ಟ್‌ ನೇಮಕ ಮಾಡಿರುವ ಸಂಧಾನಕಾರರು ಸತತ ಎರಡನೇ ದಿನವಾದ ಗುರುವಾರವೂ ಪೌರತ್ವ ಕಾಯ್ದೆ ವಿರೋಧಿಸಿ ಪ್ರತಿಭಟನೆ ನಡೆಯುತ್ತಿರುವ ಶಹೀನ್‌ಬಾಘ್ ಗೆ ಭೇಟಿ ನೀಡಿದ್ದಾರೆ.

ವಕೀಲರಾದ ಸಂಜಯ್‌ ಹೆಗ್ಡೆ ಮತ್ತು ಸಾಧನಾ ರಾಮಚಂದ್ರನ್‌ ಅವರು ಮಾಧ್ಯಮಗಳ ಮುಂದೆ ಸಂಧಾನ ಮಾತುಕತೆ ನಡೆಸುವುದು ಬೇಡ ಎಂದು ಹೇಳಿದರೆ, ಪ್ರತಿಭಟನಾಕಾರರು ಮಾತ್ರ ಮಾಧ್ಯಮಗಳ ಸಮ್ಮುಖದಲ್ಲೇ ನಡೆಯಲಿ ಎಂದು ಪಟ್ಟುಹಿಡಿದರು. ಕೊನೆಗೆ, ಮಾಧ್ಯಮ ಪ್ರತಿನಿಧಿಗಳನ್ನು ಹೊರಕ್ಕೆ ಕಳುಹಿಸಲಾಯಿತು.

ಅನಂತರ ಮಾತನಾಡಿದ ಸಂಧಾನಕಾರರು, ‘ಶಹೀನ್‌ಬಾಘ್ ಹಾಗೆಯೇ ಉಳಿಯಲಿದೆ. ಶಹೀನ್‌ಬಾಘ್ ಪ್ರತಿಭಟನೆಯು ಮುಂದುವರಿಯುತ್ತಲೇ, ಎಲ್ಲ ಸಮಸ್ಯೆಗೂ ಪರಿಹಾರ ಸಿಗುವಂತಾಗಲಿ ಎಂದು ನಾವು ಆಶಿಸುತ್ತೇವೆ’ ಎಂದರು.