ಧೋನಿ 4ನೇ ಕ್ರಮಾಂಕದಲ್ಲೇ ಆಡಬೇಕು: ಗಂಗೂಲಿ

ಕೋಲ್ಕತಾ: ಧೋನಿ ಮರಳಿ ಫಾರ್ಮ್ ಕಂಡುಕೊಂಡಿದ್ದಕ್ಕೆ ಮಾಜಿ ನಾಯಕ ಸೌರವ್‌ ಗಂಗೂಲಿ ಸಂತಸ ವ್ಯಕ್ತಪಡಿಸಿದ್ದು, ಅವರು 4ನೇ ಕ್ರಮಾಂಕದಲ್ಲೇ ಬ್ಯಾಟಿಂಗಿಗೆ ಬರಬೇಕು ಎಂಬ ಸಲಹೆಯನ್ನೂ ನೀಡಿದ್ದಾರೆ.

“ಧೋನಿ ಬಹಳ ಕಾಲದ ಬಳಿಕ ಅಮೋಘ ಬ್ಯಾಟಿಂಗ್‌ ಪ್ರದರ್ಶನ ನೀಡಿದ್ದಾರೆ. ಅವರು ನಿಧಾನ ಗತಿಯಲ್ಲಿ ಆಡಿರಬಹುದು, ಆದರೆ ಈ ಆಟ ಅವರಲ್ಲಿ ಅಪಾರ ಆತ್ಮವಿಶ್ವಾಸ ತುಂಬಿಸಿರುವುದು ಸುಳ್ಳಲ್ಲ. ಧೋನಿ 4ನೇ ಕ್ರಮಾಂಕದಲ್ಲಿ ಆಡಲಿಳಿದರೆ ಆಟಕ್ಕೆ ಕುದುರಿಕೊಳ್ಳಲು ಸಾಕಷ್ಟು ಸಮಯ ಸಿಗುತ್ತದೆ. ನಿಧಾನವಾಗಿ ಒತ್ತಡವನ್ನೂ ನಿವಾರಿಸಲು ಸಾಧ್ಯವಾಗುತ್ತದೆ. ಕೇದಾರ್‌ ಜಾಧವ್‌ 5ನೇ ಕ್ರಮಾಂಕದಲ್ಲಿ ಬರಬಹುದು. ಸದ್ಯ ಕೊಹ್ಲಿ, ಧೋನಿ, ಜಾಧವ್‌ ಮತ್ತು ಕಾರ್ತಿಕ್‌ ಅವರಿಂದ ಭಾರತದ ಮಧ್ಯಕ ಕ್ರಮಾಂಕ ಹೆಚ್ಚು ಬಲಿಷ್ಠವಾಗಿದೆ’ ಎಂದು ದಾದಾ ಅಭಿಪ್ರಾಯಪಟ್ಟರು.