Sandalwood; ಗೀತಾ ಪಿಕ್ಚರ್ಸ್‌ ನಲ್ಲಿ ಧೀರೆನ್‌ ಹೊಸ ಸಿನಿಮಾ: ಸಂದೀಪ್‌ ಸುಂಕದ್‌ ನಿರ್ದೇಶನ

ಶಿವರಾಜ್‌ಕುಮಾರ್‌ ತಮ್ಮ ಗೀತಾ ಪಿಕ್ಚರ್ಸ್‌ ಮೂಲಕ ಸಿನಿಮಾ ನಿರ್ಮಾಣ ಮಾಡುತ್ತಿರುವ ವಿಚಾರ ಗೊತ್ತೇ ಇದೆ. ಸದ್ಯ ಅವರ ನಿರ್ಮಾಣದ “ಭೈರತಿ ರಣಗಲ್‌’ ಪ್ರದರ್ಶನ ಕಾಣುತ್ತಿದ್ದು, “ಎ ಫಾರ್‌ ಆನಂದ’ ಅನೌನ್ಸ್‌ ಆಗಿದೆ. ಈಗ ಮತ್ತೂಂದು ಚಿತ್ರವನ್ನು ಗೀತಾ ಪಿಕ್ಚರ್ಸ್‌ ಅನೌನ್ಸ್‌ ಮಾಡಿದೆ. ಈ ಬಾರಿ ಧೀರೇನ್‌ ರಾಮ್‌ ಕುಮಾರ್‌ ಅವರಿಗೆ ಸಿನಿಮಾ ಮಾಡಲು ಸಂಸ್ಥೆ ಮುಂದಾಗಿದೆ.

ಈ ಹೊಸ ಚಿತ್ರವನ್ನು ಸಂದೀಪ್‌ ಸುಂಕದ ನಿರ್ದೇಶನ ಮಾಡುತ್ತಿದ್ದಾರೆ. ಈ ವರ್ಷ ತೆರೆಕಂಡ “ಶಾಖಾಹಾರಿ’ ಚಿತ್ರವನ್ನು ಸಂದೀಪ್‌ ನಿರ್ದೇಶಿಸಿದ್ದಾರೆ. ಈ ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗಿತ್ತು. ಈಗ ಧೀರೇನ್‌ ಜೊತೆ ಹೊಸ ಸಿನಿಮಾ ಮಾಡಲು ಮುಂದಾಗಿದ್ದಾರೆ.

ತಮ್ಮ ಹೊಸ ಚಿತ್ರದ ಬಗ್ಗೆ ಮಾತನಾಡುವ ಸಂದೀಪ್‌, ಕೆಲ ತಿಂಗಳುಗಳಿಂದ ಕಥೆಯ ಚರ್ಚೆ ನಡೆಯುತ್ತಿತ್ತು. ಕಥೆಯನ್ನು ಶಿವಣ್ಣ ಮತ್ತು ಗೀತಾ ಶಿವರಾಜಕುಮಾರ್‌ ಅವರಿಗೆ ಹೇಳಿದಾಗ, ಅವರಿಗೆ ಇಷ್ಟವಾಗಿ ಸಿನಿಮಾ ನಿರ್ಮಿಸಲು ಮುಂದಾದರು. ಇಂತಹ ದೊಡ್ಡ ಬ್ಯಾನರ್‌ ಜೊತೆ ಎಷ್ಟೋ ಕೆಲಸ ಮಾಡಲು ಅನೇಕ ನಿರ್ದೇಶಕರಿಗೆ ಆಸೆ ಇರುತ್ತದೆ. ನನಗೆ ಈಗ ಆ ಅವಕಾಶ ಸಿಕ್ಕಿದೆ ಎನ್ನುತ್ತಾರೆ.