ಡಿಸ್ನಿ+ ಹಾಟ್ ಸ್ಟಾರ್ ನಲ್ಲಿ ಬಿಡುಗಡೆಯಾಗಲಿದೆ ಧನುಶ್ ಮುಂದಿನ ಚಿತ್ರ

ಬಾಲಿವುಡ್ ನಲ್ಲಿ ನಟಿಸಿದ ಅತ್ರಂಗಿ ರೆ ಚಿತ್ರ ಹಿಟ್ ಆದ ಸಂತಸದಲ್ಲಿರುವ ತಮಿಳು ನಟ ಧನುಶ್ ರ ಮುಂದಿನ ಚಿತ್ರ ‘ಮಾರನ್’ ಓಟಿಟಿಯಲ್ಲಿ ಬಿಡುಗಡೆಯಾಗಲಿದೆ. ಕಾರ್ತಿಕ್ ನರೆನ್ ನಿರ್ದೇಶನದ ಮಾರನ್ ಚಿತ್ರವು ಸದ್ಯ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದ್ದು, ಡಿಸ್ನಿ + ಹಾಟ್ ಸ್ಟಾರ್ ನಲ್ಲಿ ಬಿಡುಗಡೆಯಾಗಲಿದೆ ಎಂದು ಚಿತ್ರರಂಗ ಹೇಳಿಕೊಂಡಿದೆ.

ಆರಂಭದಲ್ಲಿ ಚಿತ್ರಮಂದಿರಗಳಲ್ಲೇ ಸಿನಿಮಾ ರಿಲೀಸ್ ಮಾಡಲು ತಂಡ ಸಿದ್ದತೆ ನಡೆಸಿತ್ತು. ಆದರೆ ಕೋವಿಡ್ ಹೆಚ್ಚಳದ ಕಾರಣದಿಂದ ಇದೀಗ ಓಟಿಟಿಯತ್ತ ಮುಖಮಾಡಿದೆ. ಚಿತ್ರ ಬಿಡುಗಡೆಯ ದಿನಾಂಕ ಇನ್ನೂ ಅಂತಿಮವಾಗಿಲ್ಲ.

ಧನುಶ್ ಅಭಿನಯದ ಅತ್ರಂಗಿ ರೆ ಚಿತ್ರ ಕೂಡಾ ಕಳೆದ ಡಿಸೆಂಬರ್ ನಲ್ಲಿ ಡಿಸ್ನಿ + ಹಾಟ್ ಸ್ಟಾರ್ ನಲ್ಲಿ ಬಿಡುಗಡೆಯಾಗಿತ್ತು. ಅದಕ್ಕೂ ಮೊದಲು 2020ರಲ್ಲಿ ಅವರ ‘ಜಗಮೆ ತಂಡಿರಮ್’ ಚಿತ್ರ ನೆಟ್ ಫ್ಲಿಕ್ಸ್ ನಲ್ಲಿ ಬಿಡುಗಡೆಯಾಗಿತ್ತು.

ಇದನ್ನೂ ಓದಿ:ವಿರಾಟ್ ಕೊಹ್ಲಿ ಭಾರತದ ಅತ್ಯುತ್ತಮ ನಾಯಕ ಎನ್ನುವುದಕ್ಕೆ ಇಲ್ಲಿದೆ ದಾಖಲೆಗಳ ಸಾಕ್ಷಿ

ಮಾರನ್ ಚಿತ್ರವು ನಿರ್ದೇಶಕ ಕಾರ್ತಿಕ್ ನರೇನ್ ಮತ್ತು ನಟ ಧನುಷ್ ಅವರ ಮೊದಲ ಕಾಂಬಿನೇಶನ್ ಆಗಿದೆ. ಸತ್ಯಜ್ಯೋತಿ ಫಿಲಂಸ್ ನಿರ್ಮಿಸಿರುವ ಈ ಚಿತ್ರದ ಚಿತ್ರೀಕರಣ ಚೆನ್ನೈ ಮತ್ತು ಹೈದರಾಬಾದ್‌ನಲ್ಲಿ ನಡೆದಿದೆ. ತನಿಖಾ ಥ್ರಿಲ್ಲರ್ ಕಥಾನಕ ಹೊಂದಿರುವ ಮಾರನ್ ಚಿತ್ರದಲ್ಲಿ ಧನುಷ್ ಜೊತೆಗೆ ಮಾಳವಿಕಾ ಮೋಹನನ್, ಮಾಸ್ಟರ್ ಮಹೇಂದ್ರನ್, ಸಮುದ್ರಕನಿ, ಸ್ಮೃತಿ ವೆಂಕಟ್ ಮತ್ತು ಕೃಷ್ಣಕುಮಾರ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಜಿವಿ ಪ್ರಕಾಶ್ ಸಂಗೀತ ನಿರ್ದೇಶನವಿದೆ.