Attendance ಕೊರತೆ ಇದ್ದರೂ ಎಸೆಸೆಲ್ಸಿ ಪರೀಕ್ಷೆ-2ಕ್ಕೆ ಅವಕಾಶ

ಬೆಂಗಳೂರು: 2023-24ರ ಸಾಲಿನ ಎಸೆಸೆಲ್ಸಿ ಪರೀಕ್ಷೆ -1ಕ್ಕೆ ನೋಂದಾಯಿಸಿ ಕೊಂಡಿದ್ದರೂ, ಶೇ. 75ರಷ್ಟು ಹಾಜರಾತಿ ಇಲ್ಲದ ಕಾರಣ ಪರೀಕ್ಷೆ ಬರೆಯಲು ಸಾಧ್ಯವಾಗದವರಿಗೆ ಜೂನ್‌ ತಿಂಗಳಲ್ಲಿ ನಡೆಯಲಿರುವ ಪರೀಕ್ಷೆ-2ಕ್ಕೆ ಖಾಸಗಿ ವಿದ್ಯಾರ್ಥಿಗಳಾಗಿ ಪರೀಕ್ಷೆ ಬರೆಯಲು ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯ ನಿರ್ಣಯ ಮಂಡಳಿ ಅವಕಾಶ ನೀಡಿದೆ.

ಈ ಬಾರಿ ಹಾಜರಾತಿ ಕೊರತೆಯಿಂದ ಅಂದಾಜು 26,692 ವಿದ್ಯಾರ್ಥಿಗಳ ನೋಂದಣಿ ಮುಖ್ಯ ಶಿಕ್ಷಕರ ಹಂತದಲ್ಲೆ ರದ್ದಾಗಿತ್ತು. ಇವರು ಮುಖ್ಯೋಪಾಧ್ಯಾಯರ ಲಾಗಿನ್‌ನಲ್ಲಿ ರಿಜಿಸ್ಟ್ರೇಶನ್‌ ಫಾರ್‌ ಎಸೆಸೆಲ್ಸಿ -2024 ಎಕ್ಸಾಂ 2 ಮೆನುನಲ್ಲಿ ರಿಜಿಸ್ಟ್ರೇಷನ್‌ ಫಾರ್‌ ಪ್ರೈವೇಟ್‌ ಫ್ರೆಶ್‌ ಎಂಬ ಸಬ್‌ ಮೆನು ಬಳಸಿ ನೋಂದಾಯಿಸಲು ಅವಕಾಶ ಕಲ್ಪಿಸಲಾಗಿದೆ. ನೋಂದಣಿಗೆ ಮೇ 18ರ ಸಂಜೆ 5.30ರ ವರೆಗೆ ಮತ್ತು ಚಲನ್‌ ಮೂಲಕ ಬ್ಯಾಂಕ್‌ಗೆ ಶುಲ್ಕ ಪಾವತಿಸಲು ಮೇ 20ರಿಂದ ಮೇ 21ರವರೆಗೆ ಸಮಯ ನೀಡಲಾಗಿದೆ.