ಕೋವಿಡ್ ಭೀತಿ: ಬೆಂಗಳೂರು ನಗರದಲ್ಲಿ 6-9 ನೇ ತರಗತಿಗಳು ಕ್ಲೋಸ್:ಶಿಕ್ಷಣ ಇಲಾಖೆ ಅಧಿಕೃತ ಆದೇಶ

ಬೆಂಗಳೂರು :  ಕೋವಿಡ್ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ  ಬೆಂಗಳೂರಿನಲ್ಲಿ 6-9 ನೇ ತರಗತಿಗಳು ಸ್ಥಗಿತಗೊಳಿಸಿ ಸಾರ್ವಜನಿಕ ಶಿಕ್ಷಣ ಇಲಾಖೆ ಅಧಿಕೃತವಾಗಿ ಆದೇಶವನ್ನು ಪ್ರಕಟಿಸಿದೆ.

ರಾಜಧಾನಿಯಲ್ಲಿ ಕೋವಿಡ್ ಪ್ರಕರಣ ಹೆಚ್ಚುತ್ತಿರುವ ಕಾರಣ ವಿದ್ಯಾರ್ಥಿಗಳ ಹಿತದೃಷ್ಟಿಯಿಂದ ಸಾರ್ವಜನಿಕ ಶಿಕ್ಷಣ ಇಲಾಖೆ 6-9 ತರಗತಿಯನ್ನು ಬಂದ್ ಮಾಡಲು ಆದೇಶವನ್ನು ಪ್ರಕಟಿಸಿದೆ. 10 ನೇ ತರಗತಿಯ ವಿದ್ಯಾರ್ಥಿಗಳಿಗೆ ಎಂದಿನಂತೆ ತರಗತಿಗಳು ನಡೆಯಲಿದ್ದು, ವಿದ್ಯಾರ್ಥಿಗಳು ಆನ್ ಲೈನ್ ಮೂಲಕವೂ ಕ್ಲಾಸ್ ಗೆ ಹಾಜರಾಗಬಹುದು.

ರಾಜ್ಯದ ಇತರೆ ಜಿಲ್ಲೆಗಳಲ್ಲಿ ಕೋವಿಡ್ ಮಾರ್ಗಸೂಚಿ ಅನುಸಾರ ಶಾಲಾ ಚಟುವಟಿಕೆಗಳು ನಡೆಸಲು ಇಲಾಖೆ ಆದೇಶವನ್ನು ನೀಡಿದೆ.