Advertisement
ಟಾಸ್‌ ಗೆದ್ದ ಈಶಾನ್ಯ ವಲಯ ಮೊದಲು ಬ್ಯಾಟಿಂಗ್‌ ಮಾಡಲು ನಿರ್ಧರಿಸಿತು. ಆದರೆ ಯಶಸ್ಸು ಕಾಣಲಿಲ್ಲ. 49.2 ಓವರ್‌ ತನಕ ಇನ್ನಿಂಗ್ಸ್‌ ವಿಸ್ತರಿಸಿದರೂ ಗಳಿಸಿದ್ದು 136 ರನ್‌ ಮಾತ್ರ. ದಕ್ಷಿಣ ವಲಯ 19.3 ಓವರ್‌ಗಳಲ್ಲಿ ಒಂದೇ ವಿಕೆಟಿಗೆ 137 ರನ್‌ ಬಾರಿಸಿತು. ಇದಕ್ಕೂ ಮೊದಲು ಉತ್ತರ ವಲಯ ಮತ್ತು ಪಶ್ಚಿಮ ವಲಯದ ಎದುರು ದಕ್ಷಿಣ ವಲಯ ಜಯ ಸಾಧಿಸಿತ್ತು.
Related Articles
Advertisement
ಪರಾಗ್‌ ಆಲ್‌ರೌಂಡ್‌ ಪರಾಕ್ರಮರಿಯಾನ್ ಪರಾಗ್‌ ಅವರ ಸ್ಫೋಟಕ ಶತಕ ಹಾಗೂ ಆಲ್‌ರೌಂಡ್‌ ಪರಾಕ್ರಮದಿಂದ ಪೂರ್ವ ವಲಯ 88 ರನ್ನುಗಳಿಂದ ಉತ್ತರ ವಲಯವನ್ನು ಮಣಿಸಿದೆ. ಇದರೊಂದಿಗೆ ಪೂರ್ವ ವಲಯವೂ ಹ್ಯಾಟ್ರಿಕ್‌ ಗೆಲುವು ಕಂಡಂತಾಗಿದೆ. ಆದರೆ ರನ್‌ರೇಟ್‌ನಲ್ಲಿ ಹಿಂದಿರುವ ಕಾರಣ ದ್ವಿತೀಯ ಸ್ಥಾನದಲ್ಲಿ ಉಳಿದಿದೆ (+1.434). ಮೊದಲು ಬ್ಯಾಟಿಂಗ್‌ ನಡೆಸಿದ ಪೂರ್ವ ವಲಯ 8 ವಿಕೆಟಿಗೆ 337 ರನ್‌ ಪೇರಿಸಿತು. ಇದರಲ್ಲಿ ರಿಯಾನ್‌ ಪರಾಗ್‌ ಪಾಲು 131 ರನ್‌. ಉತ್ತರ ವಲಯ 45.3 ಓವರ್‌ಗಳಲ್ಲಿ 249ಕ್ಕೆ ಸರ್ವಪತನ ಕಂಡಿತು. ಇದು 3 ಪಂದ್ಯಗಳಲ್ಲಿ ಉತ್ತರ ವಲಯಕ್ಕೆ ಎದುರಾದ 2ನೇ ಸೋಲು. ಒಂದು ಹಂತದಲ್ಲಿ ಪೂರ್ವ ವಲಯ 57 ರನ್ನಿಗೆ 5 ವಿಕೆಟ್‌ ಉದುರಿಸಿಕೊಂಡು ಪರದಾಡುತ್ತಿತ್ತು. ಆದರೆ ರಿಯಾನ್‌ ಪರಾಗ್‌ ಕ್ರೀಸ್‌ ಇಳಿದೊಡನೆ ಪಂದ್ಯದ ಗತಿಯೇ ಬದಲಾಯಿತು. ಮುನ್ನುಗ್ಗಿ ಬೀಸತೊಡಗಿದ ಅವರು 102 ಎಸೆತಗಳಿಂದ ತಮ್ಮ ಆಮೋಘ ಇನ್ನಿಂಗ್ಸ್‌ ಕಟ್ಟಿದರು. ಸಿಡಿಸಿದ್ದು ಬರೋಬ್ಬರಿ 11 ಸಿಕ್ಸರ್‌ ಹಾಗೂ 5 ಫೋರ್‌. ಪರಾಗ್‌ ಅವರಿಗೆ ಕೀಪರ್‌ ಕುಮಾರ ಕುಶಾಗ್ರ ಉತ್ತಮ ಬೆಂಬಲವಿತ್ತರು. ಆದರೆ ಕುಶಾಗ್ರ ಎರಡೇ ರನ್ನಿನಿಂದ ಶತಕ ವಂಚಿತರಾಗಬೇಕಾಯಿತು. ಅವರ 98 ರನ್‌ 87 ಎಸೆತಗಳಿಂದ ಬಂತು (8 ಬೌಂಡರಿ, 4 ಸಿಕ್ಸರ್‌). ಪರಾಗ್‌-ಕುಶಾಗ್ರ ಜೋಡಿಯಿಂದ 7ನೇ ವಿಕೆಟಿಗೆ 30.1 ಓವರ್‌ಗಳಿಂದ 235 ರನ್‌ ಒಟ್ಟುಗೂಡಿತು. ಬೌಲಿಂಗ್‌ನಲ್ಲೂ ಮಿಂಚಿದ ಪರಾಗ್‌ 57 ರನ್‌ ನೀಡಿ 4 ವಿಕೆಟ್‌ ಕಿತ್ತರು. ಉತ್ತರ ವಲಯ ಪರ ಮನ್‌ದೀಪ್‌ ಸಿಂಗ್‌ 50 ರನ್‌, ಅಭಿಷೇಕ್‌ ಶರ್ಮ 44, ಶುಭಂ ರೋಹಿಲ್ಲ 41 ಹಾಗೂ ಹಿಮಾಂಶು ರಾಣಾ 40 ರನ್‌ ಮಾಡಿದರು.