15 ದಿನಕ್ಕೊಮ್ಮೆ ತಲ್ವಾರ್‌ ದಂಪತಿ ದಾಸ್ನಾ ಜೈಲಿಗೆ!

ದಾಸ್ನಾ: ಆರುಷಿ – ಹೇಮರಾಜ್‌ ಹತ್ಯೆ ಪ್ರಕರಣದಲ್ಲಿ ಖುಲಾಸೆಗೊಂಡಿರುವ ಆರುಷಿ ಹೆತ್ತವರಾದ ರಾಜೇಶ್‌ ಹಾಗೂ ನೂಪುರ್‌ ತಲ್ವಾರ್‌ ಸೋಮವಾರ ದಸ್ನಾ ಜೈಲಿನಿಂದ ಬಿಡುಗಡೆಯಾಗಲಿದ್ದಾರೆ.

ಆದರೆ, ಬಿಡುಗಡೆಯ ಬಳಿಕವೂ 15 ದಿನಗಳಿಗೊಮ್ಮೆ ಅವರು ಜೈಲಿಗೆ ಬಂದು ಹೋಗಲಿದ್ದಾರೆ. ಏಕೆ ಎಂದು ಯೋಚಿಸುತ್ತಿದ್ದೀರಾ? ಇನ್ನು ಮುಂದೆ ಅವರು ಈ ಜೈಲಿಗೆ ಬರುವುದು ಆರೋಪಿಗಳಾಗಿ ಅಲ್ಲ, ವೈದ್ಯರಾಗಿ. 2013ರ ನವೆಂಬರ್‌ನಿಂದ ಈ ಜೈಲಿನಲ್ಲಿದ್ದ ದಂತ ವೈದ್ಯ ದಂಪತಿ ಇಲ್ಲಿನ ಕೈದಿಗಳಿಗೆ ಔಷಧೋಪಚಾರ ನೀಡಿದ್ದಾರೆ. ಹಾಗಾಗಿ, ಸುಪ್ರೀಂ ಕೋರ್ಟ್‌ ಆಣತಿ ಮೇರೆಗೆ ಅವರು ಬಿಡುಗಡೆಯಾದ ಬಳಿಕವೂ ಕೈದಿಗಳಿಗೆ ದಂತ ಚಿಕಿತ್ಸೆ ನೀಡಲಿದ್ದಾರೆ ಎಂದು ಜೈಲು ಅಧಿಕಾರಿ ತಿಳಿಸಿದ್ದಾರೆ.