ಹೊಸದಿಲ್ಲಿ: ಜಿಯೋ ಸಿನೆಮಾ ಹಾಗೂ ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ ವಿಲೀನ ಪ್ರಕ್ರಿಯೆಗಳು ಪ್ರಗತಿಯಲ್ಲಿ ಇರುವಾಗಲೇ “ಜಿಯೋ ಹಾಟ್ಸ್ಟಾರ್’ ಹೆಸರಿನ ಡೊಮೈನನ್ನು 2021ರಲ್ಲೇ ತಾನು ಖರೀದಿ ಮಾಡಿರುವುದಾಗಿ ಹೊಸದಿಲ್ಲಿ ಮೂಲದ ಟೆಕಿಯೊಬ್ಬರು ಹೇಳಿಕೊಂಡಿದ್ದಾರೆ. ಅದನ್ನು ರಿಲಯನ್ಸ್ ಸಂಸ್ಥೆ 1 ಕೋಟಿ ರೂ. ನೀಡಿ ಖರೀದಿ ಮಾಡಬೇಕು. ಆ ಮೊತ್ತದಿಂದ ತಾನು ಕೇಂಬ್ರಿಡ್ಜ್ ವಿವಿಯಲ್ಲಿ ಶಿಕ್ಷಣ ಪಡೆಯಲು ಸಹಾಯವಾಗಲಿದೆ ಎಂದು ಆಫರ್ ನೀಡಿದ್ದಾರೆ. ಈ ಕೋರಿಕೆಯನ್ನು ರಿಲಯನ್ಸ್ ಸಂಸ್ಥೆ ತಿರಸ್ಕರಿಸಿದ್ದು, ಅವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಹೇಳಿದೆ.
ಬೃಹತ್ ಕಂಪೆನಿ ವಿರುದ್ಧ ಹೋರಾಟ ಅಸಾಧ್ಯ. ಅದಕ್ಕೆ ತಜ್ಞರು ನೆರವು ನೀಡಬೇಕು ಎಂದು
ಟೆಕಿ ಮನವಿ ಮಾಡಿದ್ದಾರೆ.