ದೆಹಲಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ವಿಶ್ವದಲ್ಲೇ 2ನೇ ಸ್ಥಾನ

ನವದೆಹಲಿ: ಜಗತ್ತಿನಲ್ಲಿ ಅತಿ ಹೆಚ್ಚು ಪ್ರಯಾಣಿಕರ ಹರಿವು ಇರುವ ವಿಮಾನ ನಿಲ್ದಾಣಗಳ ಪಟ್ಟಿಯಲ್ಲಿ ನವದೆಹಲಿಯ ಇಂದಿರಾಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ 2ನೇ ಸ್ಥಾನ ಪಡೆದಿದೆ.

ಇದೇ ಮಾರ್ಚ್‌ನಲ್ಲಿ, ಈ ವಿಮಾನ ನಿಲ್ದಾಣದ ಮೂಲಕ 36.10 ಲಕ್ಷ ಪ್ರಯಾಣಿಕರು ವಿಮಾನ ಸೇವೆಗಳನ್ನು ಪಡೆದಿದ್ದ ಕಾರಣಕ್ಕಾಗಿ, ಈ ವಿಮಾನ ನಿಲ್ದಾಣಕ್ಕೆ ಈ ಹೆಗ್ಗಳಿಕೆ ಬಂದಿದೆ.

ಮಾರ್ಚ್‌ನಲ್ಲಿ 44.20 ಲಕ್ಷ ಜನರಿಗೆ ವೈಮಾನಿಕ ಸೇವೆಗಳನ್ನು ಒದಗಿಸಿದ ಅಮೆರಿಕದ ಅಟ್ಲಾಂಟಾ ವಿಮಾನ ನಿಲ್ದಾಣ ಈ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದರೆ, 35.50 ಲಕ್ಷ ಪ್ರಯಾಣಿಕರಿಗೆ ವೈಮಾನಿಕ ಸೇವೆಗಳನ್ನು ನೀಡಿರುವ ಯುಎಇ ವಿಮಾನ ನಿಲ್ದಾಣಕ್ಕೆ ಮೂರನೇ ಸ್ಥಾನ ಲಭ್ಯವಾಗಿದೆ.