ಚಾಂಪಿಯನ್‌ ಮುಂಬೈಗೆ ಹ್ಯಾಟ್ರಿಕ್‌ ಸೋಲು

ಮುಂಬೈ: ಕಳೆದ ಆವೃತ್ತಿಯ ಚಾಂಪಿಯನ್‌ ಮುಂಬೈ ಇಂಡಿಯನ್ಸ್‌ಗೆ ಅದೃಷ್ಟವೇ ಕೈಕೊಡುತ್ತಿದೆ.ಈ ಆವೃತ್ತಿಯಲ್ಲಿ ಸತತ ಮೂರನೇ ಸೋಲನ್ನು ಮುಂಬೈ ಕಾಣುತ್ತಿದೆ.

ಮೂರೂ ಸೋಲು ಕೂಡ ಮುಂಬೈಗೆ ಕೊನೆಯ ಕ್ಷಣದ ಎಡವಟ್ಟಿನಿಂದಲೇ ಆಗಿದೆ ಎನ್ನುವುದು ಗಮನಿಸಬೇಕಾದ ಸಂಗತಿ. ಕೊನೆಯ ಓವರ್‌ನಲ್ಲಿ ಅಗತ್ಯವಿದ್ದ 11 ರನ್‌ಗಳಿಸಿ ಚಾಂಪಿಯನ್ನರಿಗೆ ನೀರು ಕುಡಿಸಿದ ಡೆಲ್ಲಿ ಡೇರ್‌ ಡೆವಿಲ್ಸ್‌ 7 ವಿಕೆಟ್‌ ಜಯದೊಂದಿಗೆ ಗೆಲುವಿನ ಖಾತೆ ತೆರೆಯಿತು.

194 ಬಾರಿಸಿದರೂ ಗೆಲ್ಲದ ಮುಂಬೈ: ಮೊದಲು ಬ್ಯಾಟಿಂಗ್‌ ನಡೆಸಿದ ಮುಂಬೈ ಇಂಡಿಯನ್ಸ್‌ 20 ಓವರ್‌ಗೆ 7 ವಿಕೆಟ್‌ಗೆ 194 ರನ್‌ಗಳಿಸಿತು. ಮುಂಬೈ ಪರ ಆರಂಭಿಕ ಸೂರ್ಯ ಕುಮಾರ್‌ (53 ರನ್‌) ಮತ್ತು  ಎವಿನ್‌ ಲೆವಿಸ್‌ (48 ರನ್‌), ಇಶಾನ್‌ ಕಿಶನ್‌ (44 ರನ್‌) ಸಿಡಿಸಿದರು. ಈ ಗುರಿ ಬೆನ್ನಟ್ಟಿದ ಡೆಲ್ಲಿ ಡೇರ್‌ ಡೆವಿಲ್ಸ್‌ ಜೇಸನ್‌ ರಾಯ್‌ (ಅಜೇಯ 91 ರನ್‌), ರಿಷಭ್‌ ಪಂತ್‌ (47 ರನ್‌) ಹಾಗೂ ಶ್ರೇಯಸ್‌ ಐಯ್ಯರ್‌ (ಅಜೇಯ 27 ರನ್‌) ನೆರವಿನಿಂದ 3 ವಿಕೆಟ್‌ಗೆ 195 ರನ್‌ಗಳಿಸಿ ರೋಚಕ ಗೆಲುವು ಸಾಧಿಸಿತು.

ಸಂಕ್ಷಿಪ್ತ ಸ್ಕೋರ್‌
ಮುಂಬೈ ಇಂಡಿಯನ್ಸ್‌ 20 ಓವರ್‌ಗೆ 194/7 (ಸೂರ್ಯ ಕುಮಾರ್‌ 53, ಲೆವಿಸ್‌ 48, ಕ್ರಿಸ್ಟಿಯಾನ್‌ 35ಕ್ಕೆ2), ಡೆಲ್ಲಿ ಡೇರ್‌ ಡೆವಿಲ್ಸ್‌ 20 ಓವರ್‌ಗೆ 195/3 (ರಾಯ್‌ ಅಜೇಯ 91, ಪಂತ್‌ 47, ಕೃಣಾಲ್‌ 21ಕ್ಕೆ2)