ಚುನಾವಣಾ ಆಯೋಗಕ್ಕೆ ಲಂಚ: ಹಿರಿಯ ನ್ಯಾಯವಾದಿಗೆ ಜಾಮೀನು

ಹೊಸದಿಲ್ಲಿ : ಎಐಎಡಿಎಂಕೆ (ಅಮ್ಮ) ಬಣದ ನಾಯಕ ಟಿ ಟಿ ವಿ ದಿನಕರನ್‌ ಅವರು ಶಾಮೀಲಾಗಿರುವ ಚುನಾವಣಾ ಆಯೋಗಕ್ಕೆ ಲಂಚ ನೀಡಿದ್ದ ಪ್ರಕರಣದಲ್ಲಿ ಓರ್ವ ಆರೋಪಿಯಾಗಿರುವ ಹಿರಿಯ ನ್ಯಾಯವಾದಿಗೆ ದಿಲ್ಲಿ ನ್ಯಾಯಾಲಯ ಇಂದು ಜಾಮೀನು ಮಂಜೂರು ಮಾಡಿದೆ.

ವಿಶೇಷ ನ್ಯಾಯಾಧೀಶರಾಗಿರುವ ಅರವಿಂದ ಕುಮಾರ್‌ ಅವರು ಚೆನ್ನೈ ಮೂಲದ ಬಿ ಕುಮಾರ್‌ ಅವರಿಗೆ ಜಾಮೀನು ಮಂಜೂರು ಮಾಡಿ 50,000 ರೂ.ವೈಯಕ್ತಿಕ ಬಾಂಡ್‌ ಮತ್ತು ಅದೇ ಮೊತ್ತದ ಎರಡು ಶೂರಿಟಿಗಳನ್ನು ಒದಗಿಸುವಂತೆ ಆದೇಶಿಸಿದರು. 

ಕಳೆದ ತಿಂಗಳಲ್ಲಿ ತನಗೆ ಸಮನ್ಸ್‌ ಜಾರಿಯಾದುದನ್ನು ಅನುಸರಿಸಿ ದಿನಕರನ್‌ ಅವರು ಕೂಡ ಇಂದು ಕೋರ್ಟಿನಲ್ಲಿ ಹಾಜರಿದ್ದರು.