12 ತಾಸು ರಸ್ತೇಲಿ ಬಿದ್ದಿದ್ದರೂ ನೆರವಾಗದೇ ದೋಚಿದರು

ಹೊಸದಿಲ್ಲಿ: ದಿಲ್ಲಿಯ ಜನತೆ ಮತ್ತೂಮ್ಮೆ ಸಂವೇದನೆ ರಹಿತ ವರ್ತನೆ ತೋರಿದ್ದಾರೆ. ಅಪಘಾತಕ್ಕೀಡಾದ ವ್ಯಕ್ತಿಯೊಬ್ಬ 12 ತಾಸು ರಸ್ತೆ ಬದಿ ಬಿದ್ದಿದ್ದರೂ ಯಾರೊಬ್ಬರೂ ಆತನ ಸಹಾಯಕ್ಕೆ ಧಾವಿಸಲಿಲ್ಲ. ಬದಲಾಗಿ ಆತನ ಬಳಿಯಿದ್ದ ಫೋನ್‌ ಮತ್ತು 12 ರೂ.ಗಳನ್ನು ದೋಚಿ ಕ್ರೌರ್ಯ ಮೆರೆದಿದ್ದಾರೆ. ಅಪಘಾತದಿಂದ ತೀವ್ರ ಗಾಯಗೊಂಡಿದ್ದ ನರೇಂದರ್‌ ಕುಮಾರ್‌ (35) ಸದ್ಯ ಸಫ್ದರ್ಜಂಗ್‌ ಆಸ್ಪತ್ರೆ ಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಅವರು ಕಾಶೆ¾àರ್‌ ಗೇಟ್‌ ಬಸ್‌ ಟರ್ಮಿನಲ್‌ ಬಳಿ ರಸ್ತೆ ದಾಟುತ್ತಿದ್ದಾಗ ವೇಗವಾಗಿ ಬಂದ ಕಾರು ಢಿಕ್ಕಿಯಾಗಿ ಅವರು ಫ‌ುಟ್‌ಪಾತ್‌ ಮೇಲೆ ಬಿದ್ದಿದ್ದರು. 12 ಗಂಟೆಗಳ ಕಾಲ ಯಾರೊಬ್ಬರೂ ಅವರ ಸಹಾಯಕ್ಕೆ ಧಾವಿಸಲಿಲ್ಲ. ಕೊನೆಗೆ ಒಬ್ಬ ದಾರಿಹೋಕ ಕರೆ ಮಾಡಿ ಪೊಲೀಸರಿಗೆ ವಿಚಾರ ತಿಳಿಸಿದರು.