ರಕ್ಷಣಾ ಕೌಶಲ ಈಜು ಚಾಂಪಿಯನ್‌ಶಿಪ್‌: 14 ಪದಕ

ನಗರ : ಪುತ್ತೂರು ಅಕ್ವೆಟಿಕ್‌ ಕ್ಲಬ್‌ನ ಈಜುಪಟುಗಳು ರಾಷ್ಟ್ರೀಯ ಜೀವನ ರಕ್ಷಾ ಸೊಸೈಟಿಯು ಇಂದೋರ್‌ ನಲ್ಲಿ ಆಯೋಜಿಸಿದ ರಕ್ಷಣಾ ಕೌಶಲ್ಯ ಚಾಂಪಿಯನ್‌ಶಿಪ್‌ -2018ರಲ್ಲಿ 14 ಪದಕಗಳನ್ನು ಪಡೆದುಕೊಂಡಿದ್ದಾರೆ. ಹಿರಿಯರ ವಿಭಾಗದಲ್ಲಿ ಸ್ವೀಕೃತ್‌ ಆನಂದ್‌ 21 ಅಂಕಗಳೊಂದಿಗೆ 7 ಪದಕಗಳನ್ನು ಗೆದ್ದುಕೊಂಡಿದ್ದಾರೆ. ಸಂತ ಫಿಲೋಮಿನಾ ಪ.ಪೂ. ಕಾಲೇಜಿನ ವಿದ್ಯಾರ್ಥಿಗಳಾದ ತ್ರಿಶೂಲ್‌ ಗೌಡ 5 ಪದಕಗಳನ್ನು, ರಾಯ್‌ಸ್ಟನ್‌ ರೋಡ್ರಿಗಸ್‌ 1 ಕಂಚು, ಉಮೇಶ್‌ ಮಹಾಬಲ 1 ಬೆಳ್ಳಿ ಹಾಗೂ 1 ಕಂಚು ಪಡೆದುಕೊಂಡಿದ್ದಾರೆ.

ತಂಡಕ್ಕೆ ಡಾ| ಶಿವರಾಮ ಕಾರಂತ ಬಾಲವನ ಈಜುಕೊಳದಲ್ಲಿ ಪಾರ್ಥ ವಾರಣಾಸಿ ಹಾಗೂ ನಿರೂಪ್‌ ಜಿ.ಆರ್‌. ತರಬೇತಿ ನೀಡಿದ್ದಾರೆ. ರೋಹಿತ್‌ ಅವರ ನೇತೃತ್ವದಲ್ಲಿ ತಂಡ ಭಾಗವಹಿಸಿತ್ತು.