ಡಿಫೆನ್ಸ್‌ ಎಕ್ಸ್‌ಪೋ: 1.53 ಲಕ್ಷ ಕೋಟಿ ರೂ.ಗಳ ಒಪ್ಪಂದ

ಗಾಂಧಿನಗರ: ಗುಜರಾತ್‌ನ ರಾಜಧಾನಿ ಗಾಂಧಿನಗರದಲ್ಲಿ ನಡೆದ ಡಿಫೆನ್ಸ್‌ ಎಕ್ಸ್‌ಪೋನಲ್ಲಿ ಬರೋಬ್ಬರಿ 1.53 ಲಕ್ಷ ಕೋಟಿ ರೂ. ಮೌಲ್ಯದ ಒಪ್ಪಂದಗಳಿಗೆ ಸಹಿ ಹಾಕಲಾಗಿದೆ ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.

ಗುರುವಾರ ಎಕ್ಸ್‌ಪೋ ಅಂತಿಮ ದಿನ  ವಾಗಿದ್ದು, ಆ ವೇಳೆ ಮಾತನಾಡಿದ ರಕ್ಷಣಾ ಇಲಾಖೆಯ ಕಾರ್ಯದರ್ಶಿ ಅಜಯ್‌ ಕುಮಾರ್‌ ಈ ಮಾಹಿತಿ ಕೊಟ್ಟಿದ್ದಾರೆ. “ಈ ಹಿಂದಿನ ಎಕ್ಸ್‌ಪೋ 2020ರಲ್ಲಿ ಲಕ್ನೋದಲ್ಲಿ ನಡೆದಿತ್ತು. ಆಗ 201 ಒಪ್ಪಂದಗಳಿಗೆ ಸಹಿ ಹಾಕಲಾಗಿತ್ತು. ಆದರೆ ಈ ಬಾರಿ 451 ಒಪ್ಪಂದಗಳಿಗೆ ಸಹಿ ಹಾಕಲಾಗಿದೆ.

ಕಾರ್ಖಾನೆ - ಕಾರ್ಖಾನೆ, ಕಾರ್ಖಾನೆ- ರಾಜ್ಯ ಸರ್ಕಾರಗಳು, ಕಾರ್ಖಾನೆ ಮತ್ತು ಕೇಂದ್ರ ಸರ್ಕಾರದ ನಡುವೆ 1.53 ಲಕ್ಷ ಕೋಟಿ ರೂ. ಮೌಲ್ಯದ ಒಪ್ಪಂದ ಆಗುವ ಮೂಲಕ ಈ ಎಕ್ಸ್‌ಪೋ ಹೊಸ ದಾಖಲೆ ಸೃಷ್ಟಿಸಿದೆ’ ಎಂದು ಅವರು ತಿಳಿಸಿದ್ದಾರೆ.