ಅಂಧರ ವಿಶ್ವಕಪ್‌: ಶ್ರೀಲಂಕಾ ವಿರುದ್ಧ ಭಾರತಕ್ಕೆ ಜಯ

ದುಬೈ: ದೀಪಕ್‌ ಮಲಿಕ್‌ (ಬಿ3) ಭರ್ಜರಿ ಬ್ಯಾಟಿಂಗ್‌ ಪ್ರದರ್ಶನದ ನೆರವಿನಿಂದ ಭಾರತ ತಂಡ ಅಂಧರ ಏಕದಿನ ವಿಶ್ವಕಪ್‌ ಕ್ರಿಕೆಟ್‌ನಲ್ಲಿ ಶ್ರೀಲಂಕಾ ವಿರುದ್ಧ 6 ವಿಕೆಟ್‌ ಜಯ ದಾಖಲಿಸಿದೆ.

ಇಲ್ಲಿ ನಡೆದ ಪಂದ್ಯದಲ್ಲಿ ಟಾಸ್‌ ಗೆದ್ದ ಭಾರತ ಕ್ಷೇತ್ರ ರಕ್ಷಣೆ ಆಯ್ಕೆ ಮಾಡಿಕೊಂಡಿತು. ಲಂಕಾ ತಂಡ 40 ಓವರ್‌ಗೆ 8 ವಿಕೆಟ್‌ ಕಳೆದುಕೊಂಡು 358
ರನ್‌ ದಾಖಲಿಸಿತು. ಈ ಗುರಿ ಬೆನ್ನುಹತ್ತಿದ ಭಾರತ 32 ಓವರ್‌ನಲ್ಲಿ 4 ವಿಕೆಟ್‌ ಕಳೆದುಕೊಂಡು 359 ರನ್‌ ಬಾರಿಸಿ ಗೆಲುವು ಸಾಧಿಸಿತು. ಭಾರತ ತಂಡದ ಪರ ಸ್ಫೋಟಕ ಬ್ಯಾಟಿಂಗ್‌ ಪ್ರದರ್ಶಿಸಿದ ದೀಪಕ್‌ ಮಲ್ಲಿಕ್‌ 103 ಎಸೆತದಲ್ಲಿ ಅಜೇಯ 179 ರನ್‌ ಬಾರಿಸಿ ಗೆಲುವಿನ ರೂವಾರಿಯಾದರು. 
ಕನ್ನಡಿಗ ಪ್ರಕಾಶ್‌ ಜಯರಾಮಯ್ಯ 51 ಎಸೆತದಲ್ಲಿ 76 ರನ್‌ ಬಾರಿಸಿದರು. 

ಸಂಕ್ಷಿಪ್ತ ಸ್ಕೋರ್‌: ಶ್ರೀಲಂಕಾ 40 ಓವರ್‌ಗೆ 358/8 (ಸುರಂಗ ಸಂಪತ್‌ 68, ಕೆ.ಎ.ಸಿಲ್ವ 64), ಭಾರತ 32 ಓವರ್‌ಗೆ 359/4 (ದೀಪಕ್‌ ಅಜೇಯ 179, ಪ್ರಕಾಶ್‌ 76).