ಸದ್ಯದಲ್ಲೇ ದೀಪಾ ಪುಸ್ತಕ ಬಿಡುಗಡೆ

ಹೊಸದಿಲ್ಲಿ: 2016 ರಿಯೋ ಒಲಿಂಪಿಕ್ಸ್‌ನಲ್ಲಿ ಪದಕ ಗೆಲ್ಲದಿದ್ದರೂ ಭಾರತೀಯರ ಹೃದಯ ಗೆದ್ದ ಜಿಮ್ನಾಸ್ಟಿಕ್‌ ತಾರೆ ದೀಪಾ ಕರ್ಮಾಕರ್‌ ಕುರಿತಾದ ಪುಸ್ತಕವೊಂದು ಶೀಘ್ರದಲ್ಲೇ ಮಾರುಕಟ್ಟೆಗೆ ಬರಲಿದೆ.

“ದೀಪಾ ಕರ್ಮಾಕರ್‌: ದ ಸ್ಮಾಲ್‌ ವಂಡರ್‌’ ಎಂಬ ಹೆಸರಿನ ಈ ಪುಸ್ತಕ 276 ಪುಟಗಳನ್ನು ಹೊಂದಿದೆ. ಇದನ್ನು ದೀಪಾ ಆವರ ಕೋಚ್‌ ಬಿಶ್ವೇಶ್ವರ್‌ ನಂದಿ, ಪತ್ರಕರ್ತರಾದ ದಿಗ್ವಿಜಯ್‌ ಸಿಂಗ್‌ ದೇವ್‌ ಹಾಗೂ ವಿಮಲ್‌ ಮೋಹನ್‌ ರಚಿಸಿದ್ದಾರೆ.

ಇದೇ ತಿಂಗಳಲ್ಲಿ ಭಾರತದ ಕ್ರಿಕೆಟ್‌ ದಿಗ್ಗಜ ಸಚಿನ್‌ ತೆಂಡುಲ್ಕರ್‌ ಈ  ಪುಸ್ತಕವನ್ನು ಬಿಡುಗಡೆ ಮಾಡಲಿದ್ದಾರೆ. ಬಿಶ್ವೇಶ್ವರ್‌ ನಂದಿ ಈ ಪುಸ್ತಕದಲ್ಲಿ ದೀಪಾ ಕರ್ಮಾಕರ್‌ ಜೀವನದ ಕುರಿತು ಮಾತ್ರವಲ್ಲದೆ ಜಿಮ್ನಾಸ್ಟಿಕ್‌ನ ಪ್ರೊಡನೋವಾ ವಿಭಾಗವನ್ನು “ಸಾವಿನ ವಾಲ್ಟ್’ ಎಂದು ಏಕೆ ಕರೆಯುತ್ತಾರೆ ಎಂಬ ವಿಚಾರದ ಕುರಿತಾಗಿ ತಿಳಿಸಿದ್ದಾರೆ.