ನಾಳೆ ಮುಂಗಾರು ಪ್ರವೇಶ; ಬಿಹಾರ ಸಿಡಿಲಿಗೆ 20 ಬಲಿ

ಹೊಸದಿಲ್ಲಿ /ಪಟ್ನಾ: ಬಂಗಾಲ ಕೊಲ್ಲಿಯಲ್ಲಿ ವಾಯುಭಾರ ಕುಸಿತ ಉಂಟಾಗಿದ್ದು, ಇದರ ಪರಿಣಾಮ ಕೇರಳಕ್ಕೆ ನೈಋತ್ಯ ಮುಂಗಾರು ಸಾಮಾನ್ಯಕ್ಕಿಂತ ಮುಂಚಿತವಾಗಿಯೇ ಪ್ರವೇಶಿಸಲಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಅಷ್ಟೇ ಅಲ್ಲ, ವಾಯುಭಾರ ಕುಸಿತವು ಸೋಮವಾರ ರಾತ್ರಿಯ ವೇಳೆಗೆ ಭಾರೀ ಚಂಡಮಾರುತವಾಗಿ ಬದಲಾಗುವ ಸಾಧ್ಯತೆಯಿದೆ ಎಂದೂ ಇಲಾಖೆ ಎಚ್ಚರಿಸಿದೆ.

ವಾಯುಭಾರ ಕುಸಿತವು ಮುಂಗಾರು ಪ್ರವೇಶವನ್ನು ಇನ್ನಷ್ಟು ಮುಂಚಿತವಾಗಿಸಲಿದ್ದು, 30-31ಕ್ಕೆ ಕೇರಳ ಪ್ರವೇಶಿಸುವ ಸಾಧ್ಯತೆಯಿದೆ. 29-30ರಂದು ವಾಯುಭಾರ ಕುಸಿತ ಚಂಡಮಾರುತವಾಗಿ ಮಾರ್ಪಾಡಾಗಿ, 30ರ ಮಧ್ಯಾಹ್ನ ಚಿತ್ತಗಾಂಗ್‌ ದಾಟಲಿದೆ ಎಂದೂ ಇಲಾಖೆ ಹೇಳಿದೆ. ಇದೇ ವೇಳೆ, ಭಾರೀ ಸಿಡಿಲು ಸಹಿತ ಮಳೆಗೆ ಬಿಹಾರ ತತ್ತರಿಸಿದೆ. ಸಿಡಿಲ ಅಬ್ಬರಕ್ಕೆ ಮಕ್ಕಳು, ಮಹಿಳೆಯರು ಸೇರಿ 20 ಮಂದಿ ಸಾವನ್ನಪ್ಪಿದ್ದಾರೆ. ಬೆಟ್ಟೈ ಜಿಲ್ಲೆಯಲ್ಲಿ 6 ಮಂದಿ, ಜಮುಯಿನಲ್ಲಿ 5, ಮೊತಿಹಾರಿಯಲ್ಲಿ 4, ಭಾಗಲ್‌ಪುರದಲ್ಲಿ 3 ಹಾಗೂ ವೈಶಾಲಿ ಮತ್ತು ಸಮಸ್ಟಿಪುರಧಿದಲ್ಲಿ ತಲಾ ಒಬ್ಬರು ಬಲಿಯಾಗಿದ್ದಾರೆ. ಸರಕಾರ ತಲಾ 4 ಲಕ್ಷ ರೂ. ಘೋಷಿಸಿದೆ.