ನೀಲಗಿರಿ ಬಸ್‌ ದುರಂತ : ಮೃತರಸಂಖ್ಯೆ 9ಕ್ಕೆ ಏರಿಕೆ

ಕೊಯಮುತ್ತೂರು : ನೀಲಗಿರಿ ಜಿಲ್ಲೆಯ ಬೆಟ್ಟ ಪ್ರದೇಶದಲ್ಲಿ ತಮಿಳು ನಾಡು ರಾಜ್ಯ ಸಾರಿಗೆ ಬಸ್ಸೊಂದು ಐನೂರು ಅಡಿ ಆಳದ ಪ್ರಪಾತಕ್ಕೆ ಉರುಳಿ ಬಿದ್ದು ಸಂಭವಿಸಿದ್ದ ಭೀಕರ ಅಪಘಾತದಲ್ಲಿ ಮೃತಪಟ್ಟವರ ಸಂಖ್ಯೆ  ಒಂಬತ್ತಕ್ಕೇರಿದೆ. 

ದುರಂತ ಘಟಿಸಿದ್ದ ಸಂದರ್ಭದಲ್ಲಿ 7 ಪ್ರಯಾಣಿಕರು ಮಡಿದು ಇತರ 27 ಮಂದಿ ಗಾಯಗೊಂಡಿದ್ದರು. ಗಂಭೀರ ಗಾಯಾಳುಗಳ ಪೈಕಿ ಇಂದು ಇನ್ನೂ ಇಬ್ಬರು ಕೊನೆಯುಸಿರೆಳೆಯುವುದರೊಂದಿಗೆ ಮೃತರ ಸಂಖ್ಯೆ 9ಕ್ಕೇರಿತು.

ಇಲ್ಲಿನ ಸರಕಾರಿ ಆಸ್ಪತ್ರೆಗೆ ಸೇರಿಸಲ್ಪಟ್ಟಿದ್ದ ಪುರುಷ ಪ್ರಯಾಣಿರೋರ್ವರು ಮಧ್ಯರಾತ್ರಿ ವೇಳೆಗೆ ಮೃತಪಟ್ಟರೆ ನತದೃಷ್ಟ ಬಸ್ಸಿನ ಕಂಡಕ್ಟರ್‌ ಇಂದು ಬೆಳಗ್ಗೆ ಕೊನೆಯುಸಿರೆಳೆದರು.  ಬಸ್ಸು ಉದಕಮಂಡಲದಿಂದ ಕೂನೂರಿಗೆ ಹೋಗುತ್ತಿದ್ದಾಗ ಈ ಅವಘಡ ಸಂಭವಿಸಿತ್ತು.