ಕ್ರಿಸ್‌ಮಸ್‌ ಟ್ರೀಯೊಳಗೆ ಅವಿತಿತ್ತು ಅಪಾಯಕಾರಿ ಬ್ಲ್ಯಾಕ್‌ ಮಾಂಬಾ!

ದಕ್ಷಿಣ ಆಫ್ರಿಕಾದ ಕ್ವೀನ್ಸ್‌ಬರ್ಗ್‌ನಲ್ಲಿ ಕ್ರಿಸ್‌ಮಸ್‌ಗೆ ಸಿದ್ಧತೆ ಮಾಡಿಕೊಳ್ಳುತ್ತಿದ್ದ ಕುಟುಂಬವೊಂದಕ್ಕೆ ಆಘಾತ ಕಾದಿತ್ತು.

ಕ್ರಿಸ್‌ಮಸ್‌ ಟ್ರೀ ಅಲಂಕರಿಸುತ್ತಿದ್ದ ವೇಳೆ, ಜಗತ್ತಿನ ಅತ್ಯಂತ ಅಪಾಯಕಾರಿ ಹಾವುಗಳಲ್ಲಿ ಒಂದಾದ “ಬ್ಲ್ಯಾಕ್‌ ಮಾಂಬಾ’ ಕಾಣಿಸಿಕೊಂಡಿದೆ.

ಆರೂವರೆ ಅಡಿ ಉದ್ದದ ಈ ವಿಷಕಾರಿ ಹಾವು ಕ್ರಿಸ್‌ಮಸ್‌ ಟ್ರೀಯಲ್ಲಿ ಹತ್ತುತ್ತಾ ಇಳಿಯುತ್ತಾ ಸರ್ಕಸ್‌ ಮಾಡುತ್ತಿತ್ತು. ಕೊನೆಗೆ ಉರಗ ರಕ್ಷಕ ನಿಕ್‌ ಇವಾನ್ಸ್‌ ಅದನ್ನು ಹಿಡಿದಿದ್ದು, “ಸಾಂತಾಕ್ಲಾಸ್‌ ನನಗೆ ಕ್ರಿಸ್‌ಮಸ್‌ಗೂ ಮುನ್ನವೇ ಉಡುಗೊರೆ ಕಳುಹಿಸಿದ್ದಾರೆ’ ಎಂದು ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದಾರೆ.

ಈ ಹಾವು ಕಚ್ಚಿದರೆ ಕೇವಲ 20 ನಿಮಿಷಗಳಲ್ಲಿ ಮನುಷ್ಯನ ನರ ವ್ಯವಸ್ಥೆಯೇ ಸ್ಥಗಿತಗೊಂಡು ಸಾವು ಸಂಭವಿಸುತ್ತದೆ.