40 ವರ್ಷದಿಂದ ಗಾಜು ತಿನ್ನುತ್ತಿರುವ ವಕೀಲ

ದಿಂಡೋರಿ (ಮಧ್ಯಪ್ರದೇಶ): ಇಲ್ಲಿನ ದಯಾರಾಂ ಸಾಹು ಎಂಬುವರ ಮನೆಯಲ್ಲಿ ಬಲ್ಬುಗಳ ಆಯುಷ್ಯ ಪೂರ್ತಿಯಾದರೆ, ಯಾವುದೇ ಗಾಜಿನ ಬಾಟಲಿಗಳಲ್ಲಿನ ಪದಾರ್ಥಗಳು ಖಾಲಿಯಾದರೆ ಅವುಗಳನ್ನು ಬಿಸಾಡುವ ಹಾಗೇ ಇಲ್ಲ. ಏಕೆಂದರೆ, ದಯಾರಾಂ ಸಾಹು, ತಮ್ಮ ಮನೆಯಲ್ಲಿ ಯಾವುದೇ ಗಾಜಿನ ವಸ್ತುಗಳಿರಲಿ ಅವನ್ನು ಕುಟ್ಟಿ ಪುಡಿ ಮಾಡಿಕೊಂಡು ತಿಂದೇ ಬಿಡುತ್ತಾರೆ! ವಕೀಲರಾಗಿರುವ ಅವರು 40 ವರ್ಷಗಳಿಂದ ಗಾಜು ತಿಂದು ಬದುಕುತ್ತಿದ್ದಾರೆ! “ನನಗೆ ಮೊದಲಿನಿಂದಲೂ ಇತರರಿಗಿಂತ ಕೊಂಚ ವಿಭಿನ್ನವಾಗಿ ಗುರುತಿಸಿಕೊಳ್ಳುವಾಸೆಯಿತ್ತು. ಹಾಗಾಗಿ, ಚಿಕ್ಕ ವಯಸ್ಸಿನಲ್ಲೇ ಗಾಜಿನ ಚೂರುಗಳನ್ನು ತಿನ್ನಲು ಶುರು ಮಾಡಿದ್ದೆ. ಕ್ರಮೇಣ ನನಗೆ ಅದು ಒಗ್ಗಿ ಹೋಯಿತು. ಈಗ ಅದು ಚಟವಾಗಿ ಹೋಗಿದೆ’ ಎನ್ನುತ್ತಾರೆ.