Advertisement
ತಟಸ್ಥ ತಾಣಕ್ಕೆ ಸ್ಥಳಾಂತರಿಸಬೇಕೆಂಬ ಐಟಿಎಫ್ ಡೇವಿಸ್‌ ಕಪ್‌ ಸಮಿತಿಯ ನಿರ್ಧಾರವನ್ನು ಪರಿಶೀಲಿಸಬೇಕೆಂದು ಪಾಕಿಸ್ಥಾನ ಟೆನಿಸ್‌ ಫೆಡರೇಶನ್‌ (ಪಿಟಿಎಫ್) ಮೇಲ್ಮನವಿ ಸಲ್ಲಿಸಿತ್ತು. ಒಂದು ವೇಳೆ ಭಾರತೀಯ ಪ್ರವಾಸಿಗರು ಯಾವುದೇ ಭದ್ರತಾ ಭಯವಿಲ್ಲದೇ ಪಾಕಿಸ್ಥಾನಕ್ಕೆ ಭೇಟಿ ನೀಡಬಹುದಾದರೆ ಭಾರತೀಯ ಟೆನಿಸ್‌ ತಂಡಕ್ಕೆ ಇಸ್ಲಾಮಾಬಾದ್‌ನಲ್ಲಿ ಯಾಕೆ ಪಂದ್ಯ ಆಡಲು ಸಾಧ್ಯವಿಲ್ಲವೆಂದು ಪಿಟಿಎಫ್ ವಾದಿಸಿತ್ತು. ಆದರೆ ವಿಶ್ವ ಮಂಡಳಿಯ ಸ್ವತಂತ್ರ ಸಮಿತಿ ಪಿಟಿಎಫ್ ಮನವಿಯನ್ನು ನ. 18ರಂದು ತಿರಸ್ಕರಿಸಿತ್ತು.
ಒಳಾಂಗಣದಲ್ಲಿ ಆಡುವ ಕಾರಣ ನಮ್ಮ ಆಟಗಾರರಿಗೆ ಪ್ರಯೋಜನವಾಗಲಿದೆ. ನಮ್ಮ ಆಟಗಾರರಿಗೆ ಇದರಿಂದ ಲಾಭವಾಗಲಿದೆ. ಇದರರ್ಥ ನಮ್ಮ ಆಟಗಾರರು ಹುಲ್ಲುಹಾಸು ಅಂಗಣದಲ್ಲಿ ಚೆನ್ನಾಗಿ ಆಡುವುದಿಲ್ಲ ಎಂದಲ್ಲ. ಆದರೆ ಹಾರ್ಡ್‌ ಕೋರ್ಟ್‌ ಅಂಗಣದಲ್ಲಿ ಆಟಗಾರರು ಆರಾಮವಾಗಿ ಆಡಬಲ್ಲರು. ಹವಾಮಾನ ಪರಿಸ್ಥಿತಿ ಕಠಿನವಾಗಿದೆ. ನಾವು ಒಳಾಂಗಣದಲ್ಲಿ ಆಡಲಿದ್ದರೂ ಚಳಿಯ ವಾತಾವರಣ ನಮ್ಮ ದೇಹಕ್ಕೆ ತೊಂದರೆ ನೀಡುತ್ತದೆ ಎಂದು ಭಾರತೀಯ ತಂಡದ ಕೋಚ್‌ ಜೀಶನ್‌ ಅಲಿ ಹೇಳಿದ್ದಾರೆ.
Related Articles
Advertisement
ಪಾಕಿಸ್ಥಾನ ತಂಡವನ್ನು ಗಮನಿಸಿದರೆ ಭಾರತವೇ ಬಲಿಷ್ಠ ತಂಡವಾಗಿ ಕಾಣುತ್ತಿದೆ. ಪಾಕಿಸ್ಥಾನವನ್ನು ಎದುರಿಸಲು ಏನೂ ಕಷ್ಟವಾಗಲಿಕ್ಕಿಲ್ಲ. ಆದರೆ ಡೇವಿಸ್‌ ಕಪ್‌ನಲ್ಲಿ ಏನು ಬೇಕಾದರೂ ನಡೆಯಬಹುದು. ಹಾಗಾಗಿ ಪಾಕ್‌ ಆಟಗಾರರನ್ನು ಹಗುರವಾಗಿ ಕಾಣಲು ಸಾಧ್ಯವಿಲ್ಲ ಎಂದು ಜೀಶನ್‌ ತಿಳಿಸಿದರು.
ಹಿಂದೆ ಸರಿಯುವೆ: ಕುರೇಶಿಒಂದು ವೇಳೆ ಹೋರಾಟದ ತಾಣವನ್ನು ಸ್ಥಳಾಂತರಿಸಿದರೆ ಕೂಟದಿಂದ ಹಿಂದೆ ಸರಿಯುವುದಾಗಿ ಪಾಕಿಸ್ಥಾನದ ಪ್ರಮುಖ ಆಟಗಾರ ಐಸಮ್‌ ಉಲ್‌ ಹಕ್‌ ಕುರೇಶಿ ಬೆದರಿಕೆ ಹಾಕಿದ್ದಾರೆ. ಇದರಿಂದ ಪಾಕಿಸ್ಥಾನ ತಂಡ ಇನ್ನಷ್ಟು ದುರ್ಬಲಗೊಳ್ಳಲಿದೆ.