ಡೇವಿಡ್‌ ವಾರ್ನರ್‌ ಕಮೆಂಟೇಟರ್‌

ಸಿಡ್ನಿ: ದಕ್ಷಿಣ ಆಫ್ರಿಕಾದಲ್ಲಿ ನಡೆದ ಟೆಸ್ಟ್‌ ಸರಣಿ ವೇಳೆ ಚೆಂಡು ವಿರೂಪಗೊಳಿಸಿ ಒಂದು ವರ್ಷ ನಿಷೇಧಕ್ಕೊಳಗಾಗಿರುವ ಆಸ್ಟ್ರೇಲಿಯ ಕ್ರಿಕೆಟ್‌ ತಂಡದ ಮಾಜಿ ಉಪನಾಯಕ ಡೇವಿಡ್‌ ವಾರ್ನರ್‌ ಈಗ ವೀಕ್ಷಕ ವಿವರಣಕಾರರಾಗಿ ಬದಲಾಗಿದ್ದಾರೆ. ಅವರೀಗ ಆಸ್ಟ್ರೇಲಿಯ-ಇಂಗ್ಲೆಂಡ್‌ ನಡುವೆ ನಡೆಯುವ ಏಕದಿನ ಸರಣಿಯಲ್ಲಿ ಈ ನೂತನ ಇನ್ನಿಂಗ್ಸ್‌ ಆರಂಭಿಸಲಿದ್ದಾರೆ.

ಚಾನೆಲ್‌-9 ಅವರ ನೂತನ ಪಾತ್ರಕ್ಕೆ ವೇದಿಕೆ ಒದಗಿಸಿದೆ. ಜೂ. 13ರಿಂದ ಇತ್ತ‌ಂಡಗಳ ನಡುವೆ ಏಕದಿನ ಸರಣಿ ಶುರುವಾಗಲಿದೆ. ಜೂ. 16ರಂದು ನಡೆಯುವ ಪಂದ್ಯದ ವೇಳೆ ವಾರ್ನರ್‌ ವೀಕ್ಷಕ ವಿವರಣೆ ನೀಡಲಿದ್ದಾರೆ. ಆದರೆ ವಾರ್ನರ್‌ ಜೂ. 28ರಿಂದ ಕೆನಡಾದಲ್ಲಿ ನಡೆಯುವ ಗ್ಲೋಬಲ್‌ ಟಿ20 ಲೀಗ್‌ನಲ್ಲಿ ಆಡಲು ಸಹಿ ಹಾಕಿದ್ದು, ಕಮೆಂಟರಿ ಮುಗಿಸಿ ಹೊರಡಲಿದ್ದಾರೆ.