ದಸರಾ ಫ‌ಲಪುಷ್ಪ ಪ್ರದರ್ಶನ: ಜಿಆರ್‌ಎಸ್‌ ಫ್ಯಾಂಟಸಿ ಪಾರ್ಕ್‌ಗೆ ಬಹುಮಾನ

ಮೈಸೂರು: ಈ ಬಾರಿಯ ದಸರಾದಲ್ಲಿ ಆಯೋಜಿಸಲಾಗಿದ್ದ ಪುಷ್ಪ ಪ್ರದರ್ಶನದಲ್ಲಿ ಜಿಆರ್‌ಎಸ್‌ ಫ್ಯಾಂಟಸಿ ಪಾರ್ಕ್‌ ಅತ್ಯುತ್ತಮ ಅಲಂಕೃತ ಉದ್ಯಾನವನ ವಿಭಾಗದಲ್ಲಿ ಪ್ರಥಮ ಬಹುಮಾನ ಪಡೆದಿದೆ. 

 ಸೆ.21 ರಿಂದ ಅ.1ರವರೆಗೆ ಮೈಸೂರಿನಲ್ಲಿ ದಸರಾ ಪುಷ್ಪ ಪ್ರದರ್ಶನ ಆಯೋಜಿಸಲಾಗಿತ್ತು.  ಈ ಫ‌ಲ ಪುಷ್ಪ ಪ್ರದರ್ಶನದಲ್ಲಿ ಹಲವು ಸಂಸ್ಥೆಗಳು ಭಾಗಿಯಾಗಿದ್ದವು. ಅಂತಿಮವಾಗಿ ದೇಶದಲ್ಲೇ ನಂಬರ್‌ ಒನ್‌ ಫ್ಯಾಮಿಲಿ ವಾಟರ್‌ ಪಾರ್ಕ್‌ ಎಂಬ ಹೆಗ್ಗಳಿಕೆ ಹೊಂದಿರುವ ಜಿಆರ್‌ಎಸ್‌ ಫ್ಯಾಂಟಸಿ ಪಾರ್ಕ್‌ ಬಹುಮಾನವನ್ನು ತನ್ನದಾಗಿಸಿಕೊಂಡಿದೆ.

 ಕಳೆದ 18 ವರ್ಷಗಳಿಂದ ಮೈಸೂರಿನಲ್ಲಿ ನೋಡಲೇಬೇಕೆನಿಸುವ ತಾಣ ಎನಿಸಿಕೊಂಡಿರುವ ಜಿಆರ್‌ಎಸ್‌ ದೇಶದೆಲ್ಲೆಡೆಯಿಂದ ಪ್ರವಾಸಿಗರನ್ನು ಆಕರ್ಷಿಸುತ್ತಿದೆ. ಇಲ್ಲಿರುವ ಹಚ್ಚಹಸುರಿನ ಪ್ರದೇಶಗಳಿಂದ ಆವೃತ್ತವಾಗಿರುವ ಆಕರ್ಷಕ ರೈಡ್‌ಗಳು ಕುಟುಂಬದ ಎಲ್ಲರಿಗೂ ಮೋಜಿನ ತಾಣವಾಗಿದೆ.

ಪ್ರಧಾನ ವ್ಯವಸ್ಥಾಪಕರಾದ ಕೆ.ಟಿ.ಶ್ರೀನಿವಾಸ್‌, ಬ್ಯುಸಿನೆಸ್‌ ಡೆವಲಪ್‌ಮೆಂಟ್‌ ಮುಖ್ಯಸ್ಥ ಅಶ್ವಿ‌ನ್‌ ಡಾಂಗೆ, ಉದ್ಯಾನವನ ಉಸ್ತುವಾರಿ ರಮೇಶ್‌, ಜಿಆರ್‌ಎಸ್‌ನ ನಿರ್ವಹಣೆ ತಂಡ, ಉದ್ಯಾನವನ ನಿರ್ವಹಣೆ ತಂಡ ಉಪಸ್ಥಿತರಿದ್ದರು.