ಡಾರ್ಜಿಲಿಂಗ್‌ನಲ್ಲಿ ಪೊಲೀಸ್‌ ಗುಂಡಿಗೆ ಯುವಕ ಬಲಿ: ಜಿಜೆಎಂ ಆರೋಪ

ಡಾರ್ಜಿಲಿಂಗ್‌ : ಪೊಲೀಸ್‌ ಗೋಲಿಬಾರಿಗೆ ಯುವಕನೋರ್ವ ಮೃತಪಟ್ಟಿರುವುದಾಗಿ ಗೋರ್ಖಾ ಜನಮುಕ್ತಿ ಮೋರ್ಚಾ ಇಂದು ಆರೋಪಿಸಿದೆ. 

ಪ್ರತ್ಯೇಕ ಗೋರ್ಖಾಲ್ಯಾಂಡ್‌ ರಾಜ್ಯ ರಚನೆಯನ್ನು ಆಗ್ರಹಿಸಿ ನಡೆಯುತ್ತಿರುವ ಅನಿರ್ದಿಷ್ಟಾವಧಿ ಬಂದ್‌ ಮುಷ್ಕರ ಆಂದೋಲನ ಇಂದು 24ನೇ ದಿನವನ್ನು ಪ್ರವೇಶಿಸಿದೆ. ಅಂತೆಯೇ ಡಾರ್ಜಿಲಿಂಗ್‌ನಲ್ಲಿನ ಬಿಕ್ಕಟ್ಟು, ಉದ್ವಿಗ್ನತೆ ತೀವ್ರಗೊಂಡಿದೆ.

ಇಂದು ಶನಿವಾರ ನಸುಕಿನ ವೇಳೆ ಸೊನಾದಾ ಪ್ರದೇಶದಲ್ಲಿ ನಡೆದ ಪೊಲೀಸ್‌ ಫ‌ಯರಿಂಗ್‌ಗೆ ತಾಶಿ ಭೂತಿಯಾ ಎಂಮ ತರುಣ ಬಲಿಯಾದ ಎಂದು ಜಿಜೆಎಂ ಮತ್ತು ಇತರ ಪಕ್ಷಗಳು ಆರೋಪಿಸಿವೆ. ಆದರೆ ಪೊಲೀಸರು ಇದನ್ನು ಅಲ್ಲಗಳೆದಿದ್ದಾರೆ. ಯಾವುದೇ ಗೋಲಿಬಾರ್‌ ನಡೆದಿಲ್ಲ ಎಂದವರು ಹೇಳಿದ್ದಾರೆ.