ವೈವಾಹಿಕ ಬದುಕಿನತ್ತ ಆರ್‌ಸಿಬಿಯ ದಾನಿಶ್‌ ಶೇಠ್

ಬೆಂಗಳೂರು: ಆರ್‌ಸಿಬಿ ಅಭಿಮಾನಿಗಳಿಗೆ “ಮಿಸ್ಟರ್‌ ನ್ಯಾಗ್ಸ್‌’ ಖ್ಯಾತಿಯ ದಾನಿಶ್‌ ಶೇಠ್ ಬಹಳ ಅಚ್ಚುಮೆಚ್ಚು. ಅವರು “ಇನ್‌ಸೈಡ್‌ ಆರ್‌ಸಿಬಿ’ ಸಂದರ್ಶನದ ಮೂಲಕ ದೊಡ್ಡ ಅಭಿಮಾನಿ ಬಳಗವನ್ನೇ ಹೊಂದಿದ್ದಾರೆ.

ಇದೀಗ ದಾನಿಶ್‌ ಶೇಠ್ ವೈವಾಹಿಕ ಜೀವನಕ್ಕೆ ಕಾಲಿಡಲು ಸಜ್ಜಾಗಿದ್ದಾರೆ. ತಮ್ಮ ಬಾಳ ಸಂಗಾತಿಯನ್ನು ಆಯ್ಕೆ ಮಾಡಿದ್ದು, ಈ ಕುರಿತು ಟ್ವಿಟರ್‌ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. “ಅವರು ಯಸ್‌ ಅಂದಿದ್ದಾರೆ. ತುಂಬ ಸಂತೋಷಗೊಂಡಿದ್ದೇನೆ. ನಿಮ್ಮ ಜೀವನವನ್ನು ನನ್ನ ಜತೆಗೆ ಕಳೆಯಲು ತೀರ್ಮಾನಿಸಿದ್ದಕ್ಕೆ ಧನ್ಯವಾದಗಳು ಅನ್ಯಾ ರಂಗಸ್ವಾಮಿ’ ಎಂದಿದ್ದಾರೆ ದಾನಿಶ್‌ ಶೇಠ್.