ದುಬೈ: ರಷ್ಯಾ ಮತ್ತು ಉಕ್ರೇನ್ ನಡುವೆ ಯುದ್ಧ ನಡೆಯುತ್ತಿದೆ. ಎರಡೂ ಪಾಳಯದಲ್ಲೂ ನೂರಾರು ಮಂದಿ ಸೈನಿಕರು ಸಾವನ್ನಪ್ಪಿದ್ದಾರೆ. ಕೋಟ್ಯಾಂತರ ರೂ ಮೌಲ್ಯದ ಆಸ್ತಿಪಾಸ್ತಿ ನಾಶವಾಗಿದೆ. ಇದರ ನಡುವೆಯೂ ಟೆನ್ನಿಸ್ ಆಟಗಾರ ಡೇನಿಯಲ್ ಮೆಡ್ವೆಡೇವ್ ತನ್ನ ದೇಶದ ಪ್ರಜೆಗಳಿಗೆ ಸಿಹಿ ಸುದ್ದಿ ನೀಡಿದ್ದಾರೆ.
ಇತ್ತೀಚಿನ ವರ್ಷಗಳಲ್ಲಿ ಪ್ರಮುಖ ಕೂಟಗಳಲ್ಲಿ ಮಿಂಚುತ್ತಿರುವ ಮೆಡ್ವೆಡೇವ್ ಇದೇ ಮೊದಲ ಬಾರಿಗೆ ಅಗ್ರ ಶ್ರೇಯಾಂಕ ಅಲಂಕರಿಸಿದ್ದಾರೆ. ದುಬೈನಲ್ಲಿ ನೊವಾಕ್ ಜೊಕೊವಿಕ್ ಅವರ ಕ್ವಾರ್ಟರ್-ಫೈನಲ್ ಸೋಲಿನ ಯುಎಸ್ ಓಪನ್ ಚಾಂಪಿಯನ್ ರಷ್ಯಾದ ಆಟಗಾರ ಮೆಡ್ವೆಡೇವ್ ಪುರುಷರ ಶ್ರೇಯಾಂಕದಲ್ಲಿ ಅಗ್ರಸ್ಥಾನ ಪಡೆಯಲಿದ್ದಾರೆ.
ಎಟಿಪಿ 500 ಪಂದ್ಯಾವಳಿಯಲ್ಲಿ ಜಪಾನ್‌ನ ಯೋಶಿಹಿಟೊ ನಿಶಿಯೋಕಾ ಅವರನ್ನು ಸೋಲಿಸುವ ಮೂಲಕ ಸೆಮಿಫೈನಲ್ ತಲುಪಿದ ನಂತರ ಮಾತನಾಡಿದ ಮೆಡ್ವೆಡೇವ್, ‘’ಈ ಮೂಲಕ ನಾನು ಪ್ರಪಂಚದಾದ್ಯಂತ ಶಾಂತಿಯನ್ನು ಉತ್ತೇಜಿಸಲು ಬಯಸುತ್ತೇನೆ” ಎಂದರು.
ಇದನ್ನೂ ಓದಿ:ವಿಕೆಟ್ ಕಿತ್ತ ಸಂಭ್ರಮದಲ್ಲಿ ‘ಪುಷ್ಪ’ ಶೈಲಿ ಅನುಕರಿಸಿದ ರವೀಂದ್ರ ಜಡೇಜಾ
ಮಾಜಿ ಯುಎಸ್ ಓಪನ್ ಚಾಂಪಿಯನ್ ಮರಾಟ್ ಸಫಿನ್ ಅವರು ನಂ. 1 ಶ್ರೇಯಾಂಕವನ್ನು ಹೊಂದಿರುವ ಕೊನೆಯ ರಷ್ಯಾದ ಪುರುಷರ ಟೆನಿಸ್ ಆಟಗಾರರಾಗಿದ್ದರು. ನವೆಂಬರ್ 2000 ಮತ್ತು ಏಪ್ರಿಲ್ 2001 ರ ನಡುವೆ ಸಫಿನ್ ಒಟ್ಟು 9 ವಾರಗಳವರೆಗೆ ನಂ. 1 ಶ್ರೇಯಾಂಕವನ್ನು ಹೊಂದಿದ್ದರು.
