ಜೀ ವಾಹಿನಿಯಲ್ಲಿ ಮತ್ತೆ “ಡಾನ್ಸ್‌ ಕರ್ನಾಟಕ ಡಾನ್ಸ್‌’ ಶುರುವಾಗುತ್ತಿದೆ. ಈಗ “ಡಾನ್ಸ್‌ ಕರ್ನಾಟಕ ಡಾನ್ಸ್‌’ ನ ಎರಡನೇ ಅವತರಣಿಕೆಯನ್ನು ಆರಂಭವಾಗುತ್ತಿದ್ದು, ಇಲ್ಲಿ ಜೀ ಕುಟುಂಬದ ಬಹುತೇಕ ಕಲಾವಿದರು ಭಾಗವಹಿಸುತ್ತಿದ್ದಾರೆ. ವಿವಿಧ ಧಾರಾವಾಹಿಗಳ ಕಲಾವಿದರೆಲ್ಲಾ ಒಟ್ಟಿಗೆ ಸೇರಲಿದ್ದು, ಅವರೆಲ್ಲಾ ನೃತ್ಯಪ್ರದರ್ಶನ ನೀಡಲಿದ್ದಾರೆ.
ಈ ಎರಡನೇ ಸೀಸನ್‌ನಲ್ಲಿ ಜೀ ಕನ್ನಡದ ಬೇರೆ ಬೇರೆ ಕಾರ್ಯಕ್ರಮಗಳ ನಾಯಕ ನಾಯಕಿಯರು, ಗಾಯಕರು, ಡ್ರಾಮಾ ಜೂನಿಯರ್ ಮಕ್ಕಳು ಅಲ್ಲದೆ ಕಾಮಿಡಿ ಕಿಲಾಡಿಗಳು ಇವರೆಲ್ಲಾ ಇದರಲ್ಲಿ ಭಾಗವಹಿಸುತ್ತಿದ್ದಾರೆ. “ಡಾನ್ಸ್‌ ಕರ್ನಾಟಕ ಡಾನ್ಸ್‌’ ನ ಈ ಸೀಸನ್‌ನ ತೀರ್ಪುಗಾರರಾಗಿ ನಟ ವಿಜಯ ರಾಘವೇಂದ್ರ, ಅರ್ಜುನ್‌ ಜನ್ಯ ಹಾಗು ರಕ್ಷಿತಾ ಪ್ರೇಮ್‌ ಭಾಗವಹಿಸುತ್ತಿದ್ದಾರೆ.
ಅಲ್ಲದೆ ಈ ಸೀಸನ್‌ನಲ್ಲಿ ಸ್ಪರ್ಧಿಗಳಾಗಿ ಒಟ್ಟು 11 ತಂಡಗಳು ಭಾಗವಹಿಸುತ್ತಿವೆ. ನಾಗಿಣಿ ಧಾರಾವಾಹಿಯ ಅರ್ಜುನ್‌ ಮತ್ತು ಅಮೃತ, ಶ್ರೀಮಾನ್‌ ಶ್ರೀಮತಿ ಧಾರಾವಾಹಿಯ ಗೌಡ್ರು ಮತ್ತು ಮಧುರ, ಪತ್ತೇದಾರಿ ಪ್ರತಿಬಾ ಧಾರಾವಾಹಿಯಿಂದ ಪ್ರತಿಬಾ ಮತ್ತು ಪ್ರಶಾಂತ್‌, ಬ್ರಹ್ಮಗಂಟು ಧಾರಾವಾಹಿಯ ಗೀತಾ ಮತ್ತು ಲಕ್ಕಿ, ಜೋಡಿಹಕ್ಕಿಯ ರಾಮ ಹಾಗೂ ಜಾನಕಿ, ಜನುಮದ ಜೋಡಿಯಿಂದ ಸಂಜು ಮತ್ತು ವಸುಂಧರ,
ಸರಿಗಮಪ ಜೂನಿಯರ್ ತಂಡದಿಂದ ವೇಣುಗೋಪಾಲ್‌ ಮತ್ತು ಸಾನ್ವಿ, ಸರಿಗಮಪ ಸೀನಿಯರ್ನಿಂದ ಸುನಿಲ್‌ ಹಾಗೂ ಇಂಪನ, ಕಾಮಿಡಿ ಕಿಲಾಡಿಗಳು ತಂಡದಿಂದ ಶಿವರಾಜ್‌ ಮತ್ತು ನಯನ, ಡ್ರಾಮಾ ಜೂನಿಯರ್ನಿಂದ ತುಷಾರ್‌ ಹಾಗೂ ಅಮೋಘ, ಹಾಗೂ ವಿಶೇಷ ಜೋಡಿಯಾಗಿ ನಿಹಾಲ್‌ ಹಾಗೂ ಅಂಜಲಿ ಈ ಕಾರ್ಯಕ್ರಮದಲ್ಲಿ ಸ್ಪರ್ಧಿಗಳಾಗಿ ಪೈಪೋಟಿ ನಡೆಸಲಿದ್ದಾರೆ. “ಡಾನ್ಸ್‌ ಕರ್ನಾಟಕ ಡಾನ್ಸ್‌’ನ ಈ ಫ್ಯಾಮಿಲಿ ವಾರ್‌ ಇದೇ ಶನಿವಾರ ಮತ್ತು ಭಾನುವಾರ ಸಂಜೆ 7.30ರಿಂದ ಪ್ರಸಾರವಾಗಲಿದೆ.
