ನಿತ್ಯಭವಿಷ್ಯ: ಈ ರಾಶಿಯ ನಿರುದ್ಯೋಗಿಗಳು, ಅವಿವಾಹಿತರಿಗೆ ಇಂದು ಶುಭ ಸಮಾಚಾರ

ಮೇಷ: ವಿದ್ಯಾರ್ಥಿಗಳ ಪ್ರಯತ್ನಬಲಕ್ಕೆ ಅನುಕೂಲವಾದ ಫ‌ಲಿತಾಂಶ ಲಭಿಸುವುದು. ಮುಖ್ಯವಾಗಿ ಸಾಂಸಾರಿಕ, ಕೌಟುಂಬಿಕ ಸಮಸ್ಯೆಗಳನ್ನು ಬದಿಗೊತ್ತಿ ಮಾನಸಿಕ ನೆಮ್ಮದಿ ಕಾಪಾಡಿಕೊಳ್ಳಬೇಕು.

ವೃಷಭ: ಅವಿವಾಹಿತರ ವೈವಾಹಿಕ ಭಾಗ್ಯಕ್ಕೆ ಅದೃಷ್ಟಬಲ ಖುಲಾಯಿಸಲಿದೆ. ಆದಾಯ ಮಾರ್ಗಸೂಚಿಗೆ ಹಲವಾರು ಮಾರ್ಗಗಳು ಗೋಚರಕ್ಕೆ ಬಂದಾವು. ಸದುಪಯೋಗಿಸಿಕೊಳ್ಳಬೇಕು. ಸಂತಸದ ಸಮಯವಿದು.

ಮಿಥುನ: ದೇವತಾ ಕಾರ್ಯಗಳಿಂದ ಪುಣ್ಯ ಸಂಪಾದನೆಯ ಸಲಹೆ ವೈದಿಕರಿಂದ ಬಂದೀತು. ರಾಜಕೀಯ ವರ್ಗದವರಿಗೆ ಮನಸ್ಸು ಸ್ಥಿರವಿರದು. ಕುಟುಂಬದ ಹಿರಿಯರ ಆರೋಗ್ಯದ ಬಗ್ಗೆ ಜಾಗ್ರತೆ ಅಗತ್ಯವಿದೆ.

ಕರ್ಕ: ಆರೋಗ್ಯ ಭಾಗ್ಯದಲ್ಲಿ ಆಗಾಗ ಶೀತ ಪ್ರವೃತ್ತಿ, ಮೈನೋವು, ಸಂಧಿನೋವು ಇತ್ಯಾದಿಗಳ ಅನುಭವ ಆಗಲಿದೆ. ಕಾರ್ಯರಂಗದಲ್ಲಿ ಹಾಗೂ ವೃತ್ತಿರಂಗದಲ್ಲಿ ಸಾವಧಾನದಿಂದ ಮುಂದುವರಿಯಬೇಕಾಗುತ್ತದೆ.

ಸಿಂಹ: ದೇಹಾರೋಗ್ಯ ಹಂತಹಂತವಾಗಿ ಸುಧಾರಿಸುತ್ತಾ ಹೋದರೂ ಉದಾಸೀನತೆ ತೋರದಿರಿ. ಧಾರಾಳ ಅವಕಾಶಗಳಿಂದ ವ್ಯವಹಾರಸ್ಥರಿಗೆ ಆರ್ಥಿಕ ಉನ್ನತಿ ಕಂಡುಬರುತ್ತದೆ. ವಾರಾಂತ್ಯ ಶುಭವಿದೆ.

ಕನ್ಯಾ: ನವ ದಾಂಪತ್ಯದಲ್ಲಿ ಹೊಸ ಸದಸ್ಯನ ಆಗಮನವಿರುತ್ತದೆ. ನಿರುದ್ಯೋಗಿಗಳು, ಅವಿವಾಹಿತರು ಶುಭ ಸಮಾಚಾರವನ್ನು ಕೇಳಲಿದ್ದಾರೆ. ಸಂಚಾರದಲ್ಲಿ ಜಾಗ್ರತೆ ಇರಲಿ. ಮನೆಯಲ್ಲಿ ಆಗಾಗ ಶುಭಮಂಗಲ ಕಾರ್ಯ ನಡೆಯಲಿದೆ.

ತುಲಾ: ಅವಿವಾಹಿತರು ಹೊಂದಾಣಿಕೆಯ ಮನೋಭಾವನೆಯನ್ನು ಮಾಡಿಕೊಂಡಲ್ಲಿ ಕಂಕಣಬಲಕ್ಕೆ ಸಾಧಕವಾದೀತು. ವೈಯಕ್ತಿಕವಾಗಿ ಯಾರನ್ನು ನಂಬದಂಥ ಪರಿಸ್ಥಿತಿ ಇದೆ. ಆರ್ಥಿಕವಾಗಿ ಧನದಾಹ ಹೆಚ್ಚಳದಿಂದ ಏರುಪೇರಾಗುವ ಸಮಯವಿದು.

ವೃಶ್ಚಿಕ: ಹೂಡಿಕೆ, ವಿಸ್ತರಣೆಗಳು, ವ್ಯಾಪಾರ, ವ್ಯವಹಾರಗಳಿಗೆ ಅನುಕೂಲಕರ. ಕಾರ್ಯಕ್ಷೇತ್ರದಲ್ಲಿ ಹಲವಾರು ವಾಸ್ತವ ಅವಕಾಶಗಳು ನಿಮಗೆ ಬರುವುದರಿಂದ ಅದರ ಸದುಪಯೋಗ ಮಾಡಿಕೊಳ್ಳಿ.

ಧನು: ಸಾಮಾಜಿಕ ರಂಗದಲ್ಲಿ ಹೊಸಬರ ಸಂಪರ್ಕ ಕಾರ್ಯನುಕೂಲಕ್ಕೆ ಪೂರಕವಾಗಲಿದೆ. ಸಾಂಸಾರಿಕ ವಿಚಾರಗಳಲ್ಲಿ ಸಮಾಧಾನಕರ ವಾತಾವರಣವಿದ್ದರೂ ಸಣ್ಣ-ಪುಟ್ಟ ತಪ್ಪು ತಿಳುವಳಿಕೆಗಳು ಆಗಾಗ ತೋರಿಬರಬಹುದು.

ಮಕರ: ದೂರ ಸಂಚಾರದಲ್ಲಿ ಮಾತ್ರವಲ್ಲ, ಚಾಲನೆಯಲ್ಲಿ ಕೂಡ ಜಾಗ್ರತೆ ಇರಲಿ. ಆಗಾಗ ಕೊಂಚ ಗೊಂದಲಕ್ಕೆ ಕಾರಣವಾಗುವ ತಾಪತ್ರಗಳನ್ನು ಅನುಭವಿಸ ಬೇಕಾಗುತ್ತದೆ. ಸ್ವಕೃತ ಅಪರಾಧಗಳು ತೋರಿಬಾರದಂತೆ ಜಾಗ್ರತೆ ವಹಿಸಬೇಕು.

ಕುಂಭ: ಯಾವುದೇ ವಿಚಾರದಲ್ಲಿ ದುಡುಕು ವರ್ತನೆಗೆ ಕಾರಣರಾಗದಂತೆ ವರ್ತಿಸಿರಿ. ವಿದ್ಯಾರ್ಥಿ ಗಳು ಅಭ್ಯಾಸದಲ್ಲಿ ಮಿತ್ರ ಸಮೂಹದ ಆಕರ್ಷಣೆಗೆ ಒಳಗಾದಾರು. ನಿರುದ್ಯೋಗಿಗಳ ಹಿನ್ನಡೆ ಅನಿರೀಕ್ಷಿತ ರೂಪದಲ್ಲಿ ನಿವಾರಣೆಯಾಗುತ್ತದೆ.

ಮೀನ: ಸಾಂಸಾರಿಕ ಹೊಂದಾಣಿಕೆ ಗಟ್ಟಿಯಾಗಿರಲಿ. ಹಿರಿಯರ, ಮಕ್ಕಳ ಆರೋಗ್ಯ ಆಗಾಗ ಕೈಕೊಡಲಿದೆ. ಆರ್ಥಿಕ ಪರಿಸ್ಥಿತಿ ನಿಮ್ಮ ಲೆಕ್ಕಾಚಾರವನ್ನು ಹೊಂದಿಕೊಂಡು ಹೋಗಬೇಕಾಗುತ್ತದೆ.