ಪ್ರಕೃತಿ ಮಡಿಲು ಶಿವ ಸನ್ನಿಧಿಯಲ್ಲೂ ದಗಲ್‌ಬಾಜಿಗಳು ಕೈಚಳಕ ತೋರಿಸಿದ್ದು ವಿಸ್ಮಯ ಎನಿಸುತ್ತಿದೆ. ಇದು ರಿಯಲ್‌ ಅಲ್ಲ, ಇದೊಂದು ರೀಲ್‌ನ ಕ್ಲೈಮ್ಯಾಕ್ಸ್‌. ‘ದಗಲ್‌ ಬಾಜಿ’ ತುಳು ಚಿತ್ರ ತಂಡದವರು ನರಹರಿ ಪರ್ವತದಲ್ಲಿ ಸೆಟ್‌ ಹಾಕಿ ಮದುವೆಯ ಕ್ಲೈಮಾಕ್ಸ್ ಅನ್ನು ಚಿತ್ರಿಸಿಕೊಂಡರು. ಭಾರೀ ಹೊಡೆದಾಟದ ದೃಶ್ಯವನ್ನು ಪರ್ವತದ ತುತ್ತ ತುದಿಯಲ್ಲಿ ಚಿತ್ರೀಕರಿಸಲಾಗಿದೆ. ಇಂತಹ ಕ್ಲೈಮ್ಯಾಕ್ಸ್‌ ದೃಶ್ಯವನ್ನು ಈ ತಂಡ ಮೊದಲ ಬಾರಿಗೆ ನರಹರಿ ಪರ್ವತದಲ್ಲಿ ಚಿತ್ರೀಕರಿಸಿದೆ.
Advertisement
ಸಾಹಸ ನಿರ್ದೇಶಕ, ಉಗ್ರಂ ಖ್ಯಾತಿಯ ಅಲ್ಟಿಮೇಟ್‌ ಶಿವು ಅವರ ಸಾಹಸ ನಿರ್ದೇಶನದಲ್ಲಿ ಮೈನವಿರೇಳಿಸುವ ಸಾಹಸ ದೃಶ್ಯಗಳನ್ನು ಛಾಯಾಚಿತ್ರಗ್ರಾಹಕ ಕೆ.ಎಂ. ವಿಷ್ಣುವರ್ಧನ್‌ ಅವರು ಚಿತ್ರೀಕರಿಸುತ್ತಿದ್ದು, ಚಿತ್ರದಲ್ಲಿ ನಟ ವಿಘ್ನೇಶ್, ಕಲಾ ನಾಯಕ ಸುರೇಶ್‌ ಅಂಚನ್‌, ನಾಯಕಿ ರಶ್ಮಿಕಾ ಹಾಗೂ ತುಳುನಾಡಿನ ಕಲಾ ದಿಗ್ಗಜರಾದ ನವೀನ್‌ ಡಿ. ಪಡೀಲ್‌, ಅರವಿಂದ್‌ ಬೊಳಾರ್‌, ಭೋಜರಾಜ್‌ ವಾಮಂಜೂರ್‌, ಸತೀಶ್‌ ಬಂದಲೆ, ದೀಪಕ್‌ ರೈ ಪಾಣಾಜೆ, ಪ್ರಕಾಶ್‌ ತೂಮಿನಾಡ್‌, ಉಮೇಶ್‌ ಮಿಜಾರ್‌ ಮೊದಲಾದ ನೂರಾರು ಸಹ ಕಲಾವಿದರು ಪಾಲ್ಗೊಂಡು ಚಿತ್ರೀಕರಣ ಭರದಿಂದ ಸಾಗಿತ್ತು. ಸುನೀಲ್‌ ನೆಲ್ಲಿಗುಡ್ಡೆ, ಚಂದ್ರಶೇಖರ್‌ ಸಿದ್ಧಕಟ್ಟೆ, ರೂಪಾ ವರ್ಕಾಡಿ, ಪ್ರಿಯಾ ಹೆಗ್ಡೆ ಭಾಗವಹಿಸಿದ್ದರು.