Advertisement
ಬೇಡಿಕೆ ಇಳಿಮುಖ: ನಗರದ ಬಹುತೇಕ ಪೆಟ್ರೋಲ್‌ ಬೈಕ್‌ ಶೋರೂಮ್‌ಗಳಲ್ಲಿ ಕಳೆದ ಕೆಲವು ದಿನಗಳಿಂದ ವಾಹನಗಳ ಮಾರಾಟ ಇಳಿಮುಖವಾಗಿದೆ. ಟಿವಿಎಸ್‌, ಬಜಾಜ್‌ ಸೇರಿದಂತೆ ಇನ್ನಿತರ ವಾಹನಗಳ ಮಾರಾಟದಲ್ಲಿ ಶೇ.30-40 ಇಳಿಮುಖವಾಗಿರುವುದು ಕಂಡುಬಂದಿದೆ.
Related Articles
ಈಗಾಗಲೇ ಮಾರುಕಟ್ಟೆಯಲ್ಲಿ ಓಲಾ ಎಸ್‌1, ಓಲಾ ಎಸ್‌1 ಪ್ರೊ, ಏಥರ್‌ 450ಎಕ್ಸ್, 450 ಪ್ಲಸ್‌, ಕೊಮಾತಿ ಎಸ್‌ಐ, ಎಕ್ಸ್‌ಟಿಟಿ, ಎಕ್ಸ್4, ಬಜಾಜ್‌ ಚೇತಕ್‌, ಟಿವಿಎಸ್‌ ಐಕ್ಯೂಬ್‌ ಇಲೆಕ್ಟ್ರಿಕ್‌, ಓನಾವಾ ಐಪ್ರಸ್‌, ಹೀರೋ ಆಪ್ಟಿಮಾ ಸೇರಿದಂತೆ ವಿವಿಧ ಕಂಪನಿಗಳ ಹಲವು ಬಗೆಯ ಸ್ಕೂಟರ್‌ಗಳಿವೆ. ಇವುಗಳ ಬೆಲೆ 80,000ರೂ.ಗಳಿಂದ 1,95,000 ರೂ.ವರೆಗೆ ಇವೆ. ಈಗಾಗಲೇ ನಗರದಲ್ಲಿ ಏಥರ್‌ ಎನರ್ಜಿ ವತಿಯಿಂದ ನಾಲ್ಕು ಕಡೆ ಸ್ಪೀಡ್‌ ಚಾರ್ಜಿಂಗ್‌ ಪಾಯಿಂಟ್‌ ಮಾಡಲಾಗಿದ್ದು, ಇನ್ನೂ ನಾಲ್ಕು ಕಡೆ ಮಾಡಲು ಸಿದ್ಧತೆ ನಡೆದಿದೆ.
Advertisement
ಕೆಲವೊಂದು ಇಲೆಕ್ಟ್ರಿಕ್‌ ವಾಹನಗಳಿಗೆ ನೋಂದಣಿಯಲ್ಲಿ ರಿಯಾಯಿತಿ ಇದ್ದು, ಇನ್ನು ಕೆಲವು ವಾಹನಗಳಿಗೆ ನೋಂದಣಿ ಕಡ್ಡಾಯವಾಗಿದೆ. ಇಲೆಕ್ಟ್ರಿಕ್‌ ವಾಹನಗಳಿಗೆ ಟ್ಯಾಕ್ಸ್‌ನಲ್ಲಿ ರಿಯಾಯಿತಿಯೂ ಇದೆ. 250 ವ್ಯಾಟ್‌ಗಿಂತ ಕಡಿಮೆ ಶಕ್ತಿಯ ಬ್ಯಾಟರಿ ಹಾಗೂ 25 ಕಿಮೀ ವೇಗಮಿತಿ ಇರುವ ಇ-ವಾಹನಗಳಿಗೆ ನೋಂದಣಿ ಅಗತ್ಯವಿಲ್ಲ. ಇದಕ್ಕಿಂತ ಹೆಚ್ಚಿನ ಶಕ್ತಿಶಾಲಿ ಬ್ಯಾಟರಿ ಇರುವ ಹಾಗೂ ವೇಗ ಹೆಚ್ಚಳವಿರುವ ವಾಹನಗಳಿಗೆ ನೋಂದಣಿ ಕಡ್ಡಾಯ.ಕೆ. ದಾಮೋದರ, ಆರ್‌ಟಿಒ ಹುಬ್ಬಳ್ಳಿ ಸದ್ಯ ಮಾರುಕಟ್ಟೆಯಲ್ಲಿ ಎಲ್ಲಿ ನೋಡಿದರೂ ಇಲೆಕ್ಟ್ರಿಕ್‌ ಬೈಕ್‌ಗಳದ್ದೇ ಹವಾ ನಡೆಯುತ್ತಿದೆ. ಅತ್ಯಂತ ಕಡಿಮೆ ವೆಚ್ಚದಲ್ಲಿ ಬೈಕ್‌ ಸವಾರಿ ಮಾಡಬಹುದು. ಮನೆಯಲ್ಲಿಯೇ ಬ್ಯಾಟರಿ ಚಾರ್ಜ್‌ ಮಾಡಿಕೊಳ್ಳಬಹುದಾಗಿದ್ದು, ಪರಿಸರ ಸ್ನೇಹಿಯೂ ಆಗಿದೆ. ಕೆಲವೊಂದು ಮಾಡೆಲ್‌ ವಾಹನಗಳಿಗೆ ಹೆಚ್ಚಿನ ಬೇಡಿಕೆ ಇದ್ದು, ಅಂತಹವುಗಳ ಕೊರತೆ ಕಂಡುಬರುತ್ತಿದೆ. ಯುಗಾದಿ ಹಿನ್ನೆಲೆಯಲ್ಲಿ ವಾಹನಗಳಿಗೆ ಇನ್ನೂ ಹೆಚ್ಚಿನ ಬೇಡಿಕೆ ಬರುವ ನಿರೀಕ್ಷೆ ಇದೆ.
ಅನಿಲ್‌ ಬಾಗರೇಚಾ,
ಕೊಮಾಕಿ ವೆಹಿಕಲ್ಸ್‌ ಶಾಖೆಯ ಮಾಲೀಕ ಇಲೆಕ್ಟ್ರಿಕ್‌ ಬೈಕ್‌ಗಳು ಮಾರುಕಟ್ಟೆಗೆ ಬಂದಾಗಿನಿಂದ ಪೆಟ್ರೋಲ್‌ ಬೈಕ್‌ ಗಳ ಮಾರಾಟದಲ್ಲಿ ಸುಮಾರು ಶೇ.30 ಇಳಿಮುಖವಾಗಿದೆ. ಪ್ರತಿ ತಿಂಗಳು ಕಡಿಮೆ ಎಂದರೂ 120ಕ್ಕೂ ಹೆಚ್ಚು ವಾಹನಗಳನ್ನು ಮಾರುತ್ತಿದ್ದೆವು. ಆದರೆ ಇದೀಗ ಅದು 80-90 ವಾಹನಗಳಿಗೆ ಬಂದು ನಿಂತಿದೆ.
ಎಡ್ವರ್ಡ್‌ ಸೈಮನ್‌, ಬೆಲ್ಲದ ಹೀರೊ ಧಾರವಾಡ ಬ್ರ್ಯಾಂಚ್‌ ವ್ಯವಸ್ಥಾಪಕ ಕೆಲ ದಿನಗಳಿಂದ ಹಳೇ ವಾಹನ ಮಾರಾಟದಲ್ಲೂ ಇಳಿಮುಖ ಕಂಡಿದೆ. ಹೆಚ್ಚಿನ ಜನರು ಇಲೆಕ್ಟ್ರಿಕ್‌ ಬೈಕ್‌ ಖರೀದಿಗೆ ಮುಂದಾಗಿದ್ದು ಕಾರಣ ಇರಬಹುದು. ರಾಜು ಕೋರ್ಯಾನಮಠ, ಕಾರ್ಯದರ್ಶಿ ಹಳೇ ದ್ವಿಚಕ್ರ ವಾಹನಗಳ ಮಾರಾಟಗಾರರ ಹಾಗೂ ಮಧ್ಯವರ್ತಿಗಳ ಸಂಘ *ಬಸವರಾಜ ಹೂಗಾರ