ಗುಜರಾತ್‌ನಿಂದ ದಿಲ್ಲಿಗೆ ಯೋಧರ ಸೈಕಲ್‌ ಯಾತ್ರೆ

ಹೊಸದಿಲ್ಲಿ: ಗುಜರಾತ್‌ನಿಂದ ಹೊಸದಿಲ್ಲಿಯವರೆಗೆ ಕೇಂದ್ರೀಯ ಮೀಸಲು ಪೊಲೀಸ್‌ ಪಡೆ (ಸಿಆರ್‌ಪಿಎಫ್)ಯ ಯೋಧರು ಕೈಗೊಳ್ಳುವ 900 ಕಿಮೀ ಸೈಕಲ್‌ ಯಾತ್ರೆ ಗುರುವಾರ ಆರಂಭವಾಗಿದೆ.

‘ಫಿಟ್‌ ಇಂಡಿಯಾ’ ತತ್ವವನ್ನು ಜನಪ್ರಿಯಗೊಳಿಸುವ ನಿಟ್ಟಿನಲ್ಲಿ ಅಹಮದಾಬಾದ್‌ನ ಸಾಬರಮತಿ ಆಶ್ರಮದಿಂದ ಸೈಕಲ್‌ ಯಾತ್ರೆ ಶುರು ಮಾಡಲಾಗಿದೆ.

ಮಹಾತ್ಮಾ ಗಾಂಧಿಯವರ ಜನ್ಮದಿನವಾಗಿರುವ ಅ.2ರಂದು ಹೊಸದಿಲ್ಲಿಯಲ್ಲಿ ಯಾತ್ರೆ ಮುಕ್ತಾಯವಾಗಲಿದೆ.

ಗುಜರಾತ್‌, ರಾಜಸ್ಥಾನ, ಹರ್ಯಾಣ ಮೂಲಕ 16 ದಿನಗಳ ಕಾಲ ಯೋಧರು ಸೈಕಲ್‌ ಪ್ರಯಾಣ ಬೆಳೆಸಲಿದ್ದಾರೆ.

ಕರ್ತವ್ಯದ ವೇಳೆ ಕೈಕಾಲುಗಳನ್ನು ಕಳೆದುಕೊಂಡ ಯೋಧರು ಸಾಮಾಜಿಕ ಜಾಗೃತಿ ಮೂಡಿಸುವ ಯಾತ್ರೆಯಲ್ಲಿ ಭಾಗವಹಿಸುತ್ತಿರುವುದು ಗಮನಾರ್ಹವಾಗಿದೆ.