Crow-ded Bus: Best ಬಸ್ಸಲ್ಲಿ ಕಾಗೆಗಳ ಸವಾರಿ… ನೆಟ್ಟಿಗರಿಂದ ಬೆಸ್ಟ್ ಬೆಸ್ಟ್ ಕಾಮೆಂಟ್ಸ್

ಮುಂಬೈನಲ್ಲಿರುವ ಬೆಸ್ಟ್ (ಬೃಹನ್‌ಮುಂಬೈ ಎಲೆಕ್ಟ್ರಿಕ್ ಸಪ್ಲೈ ಮತ್ತು ಟ್ರಾನ್ಸ್‌ಪೋರ್ಟ್) ಬಸ್‌ನ ಛಾವಣಿಯ ಮೇಲೆ ಕಾಗೆಗಳ ಹಿಂಡೊಂದು ಕೂತು ಸಂಚಾರ ಹೊರಟಿವೆ. ಅದು ಕೂಡ ಮುಂಬೈಯ ಬೆಸ್ಟ್ ಬಸ್ಸಿನಲ್ಲಿ.

ಇದೀಗ ಕಾಗೆಗಳು ಬಸ್ಸಿನ ಮೇಲೆ ಕೂತು ಸವಾರಿ ಮಾಡುತ್ತಿರುವ ಸಣ್ಣ ವಿಡಿಯೋ ತುಣುಕೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಮಿಲಿಯಗಟ್ಟಲೆ ವೀಕ್ಷಣೆ ಕಂಡಿದೆ.

ಸಾಮಾಜಿಕ ಜಾಲತಾಣ ‘X’ ನಲ್ಲಿ @krownnist ಎಂಬ ಖಾತೆಯಲ್ಲಿ ನಾಲ್ಕು ಸೆಕೆಂಡುಗಳ ವಿಡಿಯೋ ಕ್ಲಿಪ್ ಹಾಕಲಾಗಿದ್ದು ಕೇವಲ ಎರಡು ದಿನದಲ್ಲಿ 1 ಮಿಲಿಯನ್ ವೀಕ್ಷಣೆಯಾಗಿದೆ, ಅಲ್ಲದೆ ಹಾಸ್ಯಸಾಪದ ಕಾಮೆಂಟ್ಸ್ ಗಳನ್ನು ನೆಟ್ಟಿಗರು ಮಾಡಿದ್ದಾರೆ.

ಕಾಮೆಂಟ್ಸ್ ನಲ್ಲಿ ಕೆಲವರು ಕಾಗೆಗಳು ಮುಂಬೈ ದರ್ಶನಕ್ಕೆ ಹೊರಟಿವೆಯೇ ಎಂದು ಹಲವರು ಕಾಮೆಂಟ್ ಮಾಡಿದ್ದೂ ಇನ್ನೂ ಕೆಲವರು “ಕಾಗೆಗಳು ಸಹ ಇಲ್ಲಿ ಸಾರ್ವಜನಿಕ ಸಾರಿಗೆಯನ್ನು ಬಳಸುತ್ತಿವೆ” ಎಂದು ಬರೆದುಕೊಂಡರೆ, ಕಾಗೆಗಳು ಬಸ್ಸಿನಲ್ಲಿ ಬಂದರಿನ ಕಡೆಗೆ ತೆರಳುತ್ತಿವೆ ಎಂದು ತಮಾಷೆಯ ಕಾಮೆಂಟ್ಸ್ ಗಳನ್ನು ಹಾಕಿದ್ದಾರೆ.