ನಾಯಿಗಳ ತೊಳೆಯಲು ಹೋದ ದಂಪತಿ:ಮೊಸಳೆ ದಾಳಿಗೆ ಪತಿಯ ಕೈ ಕಟ್‌!

ಕನಕಪುರ : ಇಲ್ಲಿನ ತಟ್ಟೆಕೆರೆ ಬಳಿ ಕೆರೆಯಲ್ಲಿ ಮೊಸಳೆ ದಾಳಿಗೆ ಬೆಂಗಳೂರಿನಿಂದ ವಿಹಾರಕ್ಕೆಂದು ಬಂದ ವ್ಯಕ್ತಿಯೊಬ್ಬರ ಕೈಯೇ ತುಂಡಾಗಿರುವ ಘಟನೆ ಭಾನುವಾರ ನಡೆದಿದೆ. 

ಬೆಂಗಳೂರಿನ ಇಂದಿರಾನಗರದ ಧೂಪದಹಳ್ಳಿಯಿಂದ ಮುದಿತ್‌ ದಂತವಾಡೆ ಮತ್ತು ಪತ್ನಿ ಸುಷ್ಮಿತಾ 2 ಸಾಕು ನಾಯಿಗಳೊಂದಿಗೆ ಕಾರಿನಲ್ಲಿ ತಟ್ಟೆಕೆರೆಗೆ ತೆರಳಿ ನಾಯಿಗಳನ್ನು ತೊಳೆಯುತ್ತಿದ್ದ ವೇಳೆ ಮೊಸಳೆ ದಾಳಿ ನಡೆದಿದೆ. 

ಮೊಸಳೆ ಮುದಿತ್‌ ಅವರ ಕೈಯನ್ನು ಬಲವಾಗಿ ಕಚ್ಚಿ ತುಂಡು ಮಾಡಿದೆ. ಈ ವೇಳೆ ಪತ್ನಿ ಜೋರಾಗಿ ಬೊಬ್ಬಿಟ್ಟಿದ್ದು ಸ್ಥಳದಲ್ಲಿದ್ದ ಅರಣ್ಯ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ನೆರವು ನೀಡಿದ್ದಾರೆ. 

ಕೂಡಲೆ ಉದಿತ್‌ ಅವರನ್ನು ಪದ್ಮನಾಭನಗರದಲ್ಲಿರುವ ಸಾಗರ್‌ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆಗಾಗಿ ಮೆಗ್ರಾತ್‌ ರಸ್ತೆಯಲ್ಲಿರುವ ಹಾಸ್ಮಟ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಆನೇಕಲ್‌ ವಲಯ ಅರಣ್ಯ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.