ಅಡುಗೆ ಮನೆಯ ಡಬ್ಬಗಳಲ್ಲಿದ್ದ 22 ಲ.ರೂಗೆ ಕನ್ನ !

ಉಡುಪಿ: ಮನೆಯಿಂದ 22 ಲ.ರೂ. ನಗದು ಹಾಗೂ ಅರ್ಧ ಕೆಜಿ ಬೆಳ್ಳಿಯನ್ನು ಕಳವು ಮಾಡಿರುವ ಘಟನೆ ಉಡುಪಿ ನಗರ ಠಾಣಾ ವಾಪ್ತಿಯ ಒಳಕಾಡಿನಲ್ಲಿ ಸಂಭವಿಸಿದೆ.

ಸೆ.12ರಂದು ಮಧ್ಯಾಹ್ನ 12.15ರ ಸುಮಾರಿಗೆ ಮನೆಗೆ ಬೀಗ ಹಾಕಿ ಶಾಲೆಗೆ ಮಕ್ಕಳಿಗೆ ಟಿಫಿನ್‌ ಕೊಡಲು ಹೋಗಿ 1 ಗಂಟೆಗೆ ವಾಪಸು ಬಂದು ನೋಡಿದಾಗ ಬೀಗ ಮುರಿದು ಅಡುಗೆಮನೆಯಲ್ಲಿ ಡಬ್ಬಗಳಲ್ಲಿದ್ದ 22 ಲ.ರೂ. ನಗದು ಹಾಗೂ 30,000 ರೂ.ಮೌಲ್ಯದ ಅರ್ಧ ಕೆಜಿ ಬೆಳ್ಳಿಯನ್ನು ಕಳವು ಮಾಡಿರುವುದು ಗಮನಕ್ಕೆ ಬಂತು. ಇದನ್ನು ಪತಿಯ ಸಂಬಂಧಿ ಸಾಂಗ್ಲಿಯ ಅತುಲ್‌ ಬಾಗ್ನೆ ಮತ್ತು ಇನ್ನೋರ್ವ ಸೇರಿ ಮಾಡಿದ್ದಾರೆ ಎಂದು ಸುನಂದ ಮಾಣಿಕ್ಯ ಪಾಟೀಲ್‌ ಅವರು ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ತಿಳಿಸಿದ್ದಾರೆ.