Advertisement
ವಿನೂ ಮಂಕಂಡ್‌ ಭಾರತ ಕಂಡ ಶ್ರೇಷ್ಠ ಆಲ್‌ರೌಂಡರ್‌. ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಎಲ್ಲ ಕ್ರಮಾಂಕದಲ್ಲಿಯೂ ಬ್ಯಾಟ್‌ ಬೀಸಿ ಸೈ ಎನಿಸಿಕೊಂಡ ವಿಶ್ವದ ಮೂರು ಆಟಗಾರರಲ್ಲಿ ಒಬ್ಬರು (ಆಸ್ಟ್ರೇಲಿಯದ ಸೈದ್‌ ಗ್ರೆಗೊರಿ, ಇಂಗ್ಲೆಂಡಿನ ವಿಲ್ಫೆ†ಡ್‌ ರೋಡ್ಸ್‌ ಇನ್ನುಳಿದ ಇಬ್ಬರು). ಭಾರತದ ಪರ ಟೆಸ್ಟ್‌ನಲ್ಲಿ ಸಾವಿರ ರನ್‌ ಬಾರಿಸಿದ ಮೊದಲ ಆಟಗಾರರಾದ ವಿನೂ ಮಂಕಡ್‌ ಅವರ ಪೂರ್ಣ ಹೆಸರು ಮುಲ್ವಂತರ್‌ರಾಯ್‌ ಹಿಮ್ಮತ್‌ಲಾಲ್‌ ಮಂಕಡ್‌.
Related Articles
Advertisement
ಈ ವಿದ್ಯಮಾನ ನಡೆದದ್ದು 1947-48ರ ಭಾರತದ ಆಸ್ಟ್ರೇಲಿಯಾ ಪ್ರವಾಸದಲ್ಲಿ. ಬೌಲಿಂಗ್‌ ನಡೆಸುತ್ತಿದ್ದ ಮಂಕಡ್‌, ನಾನ್‌ ಸ್ಟ್ರೈಕ್‌ ಎಂಡ್‌ನ‌ಲ್ಲಿದ್ದ ಆಟಗಾರ ಬಿಲ್ಲಿ ಬ್ರೌನ್‌ ಎಸೆತಕ್ಕೂ ಮೊದಲೇ ಕ್ರೀಸ್‌ನಿಂದ ಆಚೆ ಹೋದಾಗ ಚೆಂಡನ್ನು ವಿಕೆಟ್‌ಗೆ ಬಡಿದು ಅವರನ್ನು ರನ್‌ ಔಟ್‌ ಮಾಡುತ್ತಾರೆ. ಇದು ಕ್ರಿಕೆಟ್‌ ನಿಯಮಗಳ ಉಲ್ಲಂಘನೆ ಅಲ್ಲದೇ ಇದ್ದರೂ ಕೆಲವರು ಇದನ್ನು ಕ್ರೀಡಾಪಸ್ಫೂರ್ತಿಗೆ ವಿರುದ್ಧವಾದ ಕಾರ್ಯ ಎಂದು ಕಿಡಿಕಾರುತ್ತಾರೆ.
ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ, ಮಂಕಡ್‌ ಈ ಕುರಿತು ಬ್ರೌನ್‌ಗೆ ಮೊದಲು ಎಚ್ಚರಿಕೆ ಕೊಟ್ಟಿರುತ್ತಾರೆ. ಈ ಘಟನೆಯ ಅನಂತರ ಈ ರೀತಿ ಔಟ್‌ ಆಗುವ ಪರಿಗೆ ಮಂಕಡಿಂಗ್‌ ಎಂದು ಹೆಸರಿಸಲಾಗಿದೆ.
ಕ್ರಿಕೆಟ್‌ ದಂತಕತೆ ಬ್ರಾಡ್‌ ಮನ್‌ ತಮ್ಮ ಆತ್ಮಕಥನದಲ್ಲಿ ಮಂಕಡ್‌ ಅವರನ್ನು ಬೆಂಬಲಿಸಿ ಈ ರೀತಿ ಬರೆದುಕೊಂಡಿದ್ದರು. ಮಂಕಡ್‌ ಅವರ ನ್ಪೋರ್ಟ್‌ಮನ್‌ ಶಿಪ್‌ ಅನ್ನು ಯಾಕೆ ಪ್ರಶ್ನಿಸಲಾಗುತ್ತಿದೆಯೋ ನನಗೆ ತಿಳಿಯುತ್ತಿಲ್ಲ. ಬೌಲರ್‌ ಬಾಲ್‌ ಎಸೆಯುವ ವರೆಗೂ ನಾನ್‌ ಸ್ಟ್ರೈಕರ್‌ ಕ್ರೀಸ್‌ನಲ್ಲೇ ಇರಬೇಕೆಂದು ಕ್ರಿಕೆಟ್‌ನ ನಿಯಮಗಳು ಸ್ಪಷ್ಟವಾಗಿ ಹೇಳುತ್ತವೆ.
ಈ ನಿಯಮ ಮುರಿದಲ್ಲಿ ನಾನ್‌ ಸ್ಟ್ರೈಕರ್‌ ಅನ್ನು ರನ್‌ಔಟ್‌ ಮಾಡಬಹುದಾಗಿದೆ. ಹೀಗಿದ್ದು ನಾನ್‌ ಸ್ಟ್ರೈಕರ್‌ ಕ್ರೀಸ್‌ ಬಿಟ್ಟು ಸ್ಪಷ್ಟವಾಗಿ ಅನ್ಯಾಯ ಮಾಡುತ್ತಿದ್ದಾರೆ. ಈಗಲೂ ಕೂಡ ಮಂಕಡಿಂಗ್‌ ಕ್ರೀಡಾಸ್ಫೂರ್ತಿಗೆ ವಿರುದ್ಧವಾದುದು ಎಂಬ ಕೂಗು ಕೇಳಿಬರುತ್ತಲೇ ಇದೆ. ಕೆಲವೊಂದಿಷ್ಟು ಜನ ಇದಕ್ಕೆ ಬೆಂಬಲ ಸೂಚಿಸಿದರೆ, ಇನ್ನೊಂದಿಷ್ಟು ಜನ ಇದು ತಪ್ಪು ಎಂದು ವಾದಿಸುತ್ತಾರೆ. ಅದೇನೇ ಇರಲಿ, ಕ್ರಿಕೆಟ್‌ ನಿಯಮದ ಪ್ರಕಾರ ಮಂಕಡಿಂಗ್‌ ಕಾನೂನು ಬಾಹಿರವಂತೂ ಅಲ್ಲ.
–ಸುಶ್ಮಿತಾ ನೇರಳಕಟ್ಟೆ