ಕೋವಿಡ್‌ಗೆ ಸಡ್ಡು ಹೊಡೆದ ಆಸ್ಟ್ರೇಲಿಯ ಕ್ರಿಕೆಟ್‌ ತಂಡ

ಲಾಹೋರ್‌: ಪಾಕಿಸ್ಥಾನ ಪ್ರವಾಸ ದಲ್ಲಿರುವ ಆಸ್ಟ್ರೇಲಿಯ ಕ್ರಿಕೆಟ್‌ ತಂಡದಲ್ಲಿ ದಿಢೀರನೇ 3 ಕೋವಿಡ್‌ ಪಾಸಿಟಿವ್‌ ಕೇಸ್‌ ಕಾಣಿಸಿಕೊಂಡಿದೆ.

ಆದರೆ ಈ ಮಾರಿಗೆ ಸಡ್ಡು ಹೊಡೆದಿರುವ ಕಾಂಗರೂ ಪಡೆ ಮಂಗಳವಾರದ ಮೊದಲ ಏಕದಿನ ಪಂದ್ಯದಲ್ಲಿ 7 ವಿಕೆಟಿಗೆ 313 ರನ್‌ ಪೇರಿಸುವಲ್ಲಿ ಯಶಸ್ವಿಯಾಗಿದೆ.

ಸೋಮವಾರ ವಿಕೆಟ್‌ ಕೀಪರ್‌-ಬ್ಯಾಟರ್‌ ಜೋಶ್‌ ಇಂಗ್ಲಿಸ್‌ ಅವರ ಕೋವಿಡ್‌ ಫಲಿತಾಂಶ ಪಾಸಿಟಿವ್‌ ಬಂದಿತ್ತು. ಪಂದ್ಯದ ದಿನವಾದ ಮಂಗಳವಾರ ಬೆಳಗ್ಗೆ ಅಗರ್‌ ಮತ್ತು ಫಿಸಿಯೋ ಬ್ರೆಂಡನ್‌ ವಿಲ್ಸನ್‌ ಅವರಿಗೂ ಕೋವಿಡ್‌ ಅಂಟಿಕೊಂಡಿತು. ಇವರೆಲ್ಲರೂ 5 ದಿನಗಳ ಐಸೊಲೇಶನ್‌ನಲ್ಲಿರುವ ಕಾರಣ ಏಕದಿನ ಸರಣಿಯನ್ನು ತಪ್ಪಿಸಿಕೊಳ್ಳಲಿದ್ದಾರೆ. ಮ್ಯಾಥ್ಯೂ ರೆನ್‌ಶಾ ಅವರನ್ನು ತುರ್ತಾಗಿ ಕರೆಸಿಕೊಳ್ಳಲಾಗಿದೆ.

ಹೆಡ್‌ ಶತಕ: ಆರಂಭಿಕನಾಗಿ ಇಳಿದ ಟ್ರ್ಯಾವಿಸ್‌ ಹೆಡ್‌ 101 ರನ್‌ ಬಾರಿಸಿ ಆಸ್ಟ್ರೇಲಿಯದ ಬೃಹತ್‌ ಮೊತ್ತಕ್ಕೆ ಕಾರಣರಾದರು. ಕೇವಲ 72 ಎಸೆತ ಎದುರಿಸಿದ ಹೆಡ್‌ 12 ಫೋರ್‌, 3 ಸಿಕ್ಸರ್‌ ಸಿಡಿಸಿದರು. ಬೆನ್‌ ಮೆಕ್‌ಡರ್ಮಟ್‌ 55, ಕ್ಯಾಮ ರಾನ್‌ ಗ್ರೀನ್‌ ಅಜೇಯ 40 ರನ್‌ ಹೊಡೆದರು. ಈ ಮೂಲಕ ನಥನ್‌ ಎಲ್ಲಿಸ್‌ ಮತ್ತು ಮಿಚೆಲ್‌ ಸ್ವೆಪ್ಸನ್‌ ಏಕದಿನಕ್ಕೆ ಪದಾರ್ಪಣೆ ಮಾಡಿದರು.