ಮರುಪಾವತಿ ಆಗದ ಸಾಲ ಆನ್‌ಲೈನ್‌ನಲ್ಲಿ ಮಾರಾಟ?

ಮುಂಬೈ: ಬ್ಯಾಂಕಿಂಗ್‌ ವ್ಯವಸ್ಥೆಯಲ್ಲಿ ಹೆಚ್ಚಿನ ಪಾರದರ್ಶಕತೆ ತರಲು ಮರುಪಾವತಿಯಾಗದ ಸಾಲವನ್ನು ಮಾರಾಟ ಮಾಡಲು ಆನ್‌ಲೈನ್‌ ವ್ಯವಸ್ಥೆಯನ್ನು ಜಾರಿಗೆ ತರುವಂತೆ ರಿಸರ್ವ್‌ ಬ್ಯಾಂಕ್‌ನ ಡೆಪ್ಯುಟಿ ಗವರ್ನರ ವಿರಳ್‌ ಆಚಾರ್ಯ ಸಲಹೆ ನೀಡಿದ್ದಾರೆ. 

ಅಮೆರಿಕದಲ್ಲಿ ಇದೇ ವ್ಯವಸ್ಥೆಯಿದ್ದು, ಬ್ಯಾಂಕ್‌ಗಳಿಗೆ ಹೊರೆಯಾಗಿರುವ ಅನುತ್ಪಾದಕ ಆಸ್ತಿಯನ್ನು ಮಾರಾಟ ಮಾಡಲಾಗುತ್ತಿದೆ. ಈ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲು ಸಂಬಂಧಿಸಿದ ಎಲ್ಲರೂ ಒಂದಾಗಬೇಕಿದೆ ಎಂದಿದ್ದಾರೆ ಆಚಾರ್ಯ. 

ಸದ್ಯ ಬ್ಯಾಂಕಿಂಗ್‌ ವಲಯ 10 ಲಕ್ಷ ಕೋಟಿ ರೂ. ಮರುಪಾವತಿ ಯಾಗದ ಸಾಲ ಹೊಂದಿದೆ. ಕಳೆದ 6 ತಿಂಗಳಲ್ಲಿ ಆರ್‌ಬಿಐ 40 ಖಾತೆಗಳನ್ನು ಗುರುತಿಸಿದ್ದು, ಇವುಗಳ ಮರುಪಾವತಿಗೆ ಕ್ರಮ ಕೈಗೊಳ್ಳುವಂತೆ ಸೂಚಿಸಿದೆ ಎಂದೂ ಹೇಳಿದ್ದಾರೆ.