ಸಿಪಿಎಂ ಅಭ್ಯರ್ಥಿ ಸುನೀಲ್‌ ಕುಮಾರ್‌ ಬಜಾಲ್‌ ನಾಮಪತ್ರ ಸಲ್ಲಿಕೆ

ಮಹಾನಗರ : ಮಂಗಳೂರು ದಕ್ಷಿಣ ವಿಧಾನಸಭಾ ಕ್ಷೇತ್ರಕ್ಕೆ ಸಿಪಿಎಂ ಅಭ್ಯರ್ಥಿಯಾಗಿ ಸುನೀಲ್‌ ಕುಮಾರ್‌ ಬಜಾಲ್‌ ಅವರು ಸೋಮವಾರ ನಾಮ ಪತ್ರ ಸಲ್ಲಿಸಿದರು.

ನಗರದ ಪಿವಿಎಸ್‌ ವೃತ್ತದಿಂದ ಪಕ್ಷದ ಕಾರ್ಯಕರ್ತರ ಜತೆ ಪಾದಯಾತ್ರೆಯಲ್ಲಿ ಸಾಗಿಬಂದ ಸುನೀಲ್‌ ಕುಮಾರ್‌ ಅವರು ಮಹಾನಗರ ಪಾಲಿಕೆಯಲ್ಲಿ ಮಂಗಳೂರು ದಕ್ಷಿಣ ವಿಧಾನಸಭಾ ಕ್ಷೇತ್ರ ಚುನಾವಣಾಧಿಕಾರಿಯವರಿಗೆ ನಾಮಪತ್ರ ಸಲ್ಲಿಕೆ ಮಾಡಿದರು. ಬಾಲಕೃಷ್ಣ ಶೆಟ್ಟಿ , ಯೋಗೀಶ್‌ ಜಪ್ಪಿನ ಮೊಗರು, ಸಂತೋಷ್‌ ಕುಮಾರ್‌ ಬಜಾಲ್‌, ಬಿ.ಎಂ. ಮಾಧವ ನಾಮಪತ್ರ ಸಲ್ಲಿಕೆ ವೇಳೆ ಉಪಸ್ಥಿತರಿದ್ದರು.