Advertisement
ಈ ರೀತಿಯ ಅಪರೂಪದ ಘಟನೆ ನಡೆದಿರುವುದು ಹಾವೇರಿ ಜಿಲ್ಲೆಯ ಸವಣೂರು ತಾಲೂಕಿನ ಹಿಋಮುಗದೂರ ಗ್ರಾಮದಲ್ಲಿ. ಮತ್ತು ಶೋಭಾ ಎಂಬ ಹೆಣ್ಣುಮಗಳೇ, ಈ ರೀತಿಯಾಗಿ ಶವದ ಗಂಟಲಿನಿಂದ ಮಾದರಿ ಸಂಗ್ರಹಿಸಿದ ಗಟ್ಟಿಗಿತ್ತಿ ಮಹಿಳಾ ಲ್ಯಾಬ್ ಟೆಕ್ನೀಶಿಯನ್ ಆಗಿದ್ದಾರೆ.
Related Articles
Advertisement
ಪಿಪಿಇ ಕಿಟ್ ಹಾಕಿಕೊಂಡು ಹಾಗೂ ಸಕಲ ಮುಂಜಾಗ್ರತಾ ಕ್ರಮಗಳೊಂದಿಗೆ ಬಂದಿದ್ದ ಶೋಭಾ ಅವರು ಯಾವುದೇ ಅಳುಕಿಲ್ಲದೆ ಧೈರ್ಯದಿಂದಲೇ ಶವವನ್ನು ಇರಿಸಲಾಗಿದ್ದ ಹೊಂಡದಲ್ಲಿ ಇಳಿದು ಶವದ ಗಂಟಲು ದ್ರವ ಸಂಗ್ರಹಿಸಿಕೊಂಡು ಹೋದರು.
ಇತ್ತೀಚೆಗೆ ಸವಣೂರಿನಲ್ಲಿ ಎರಡು ಕೋವಿಡ್ ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗಿದ್ದು ಆ ಸೋಂಕಿತರಿಗೆ ತಪಾಸಣೆ ಮಾಡಿದ್ದ ಆಸ್ಪತ್ರೆಯ ಎಲ್ಲ ವೈದ್ಯರು, ಸಿಬ್ಬಂದಿ ಇದೀಗ ಕ್ವಾರೆಂಟೈನ್ ನಲ್ಲಿದ್ದಾರೆ.
ಕೋವಿಡ್ ಪಾಸಿಟಿವ್ ಕಂಡು ಬಂದ ಪ್ರದೇಶದಲ್ಲಿ ಯಾರೇ ಮೃತಪಟ್ಟರೂ ಅವರ ಗಂಟಲು ಮಾದರಿ ಸಂಗ್ರಹಿಸಿ ಪ್ರಯೋಗಾಲಯಕ್ಕೆ ಕಳುಹಿಸಲೇ ಬೇಕು. ಹೀಗಾಗಿ ಶೋಭಾ ಅವರೇ ಈ ಸಾಹಸಕ್ಕಿಳಿದು ಗಂಟಲು ಮಾದರಿ ಸಂಗ್ರಹಿಸಬೇಕಾಯಿತು.