ಇನ್ನು  ಕೋವಿನ್‌ನಲ್ಲೇ ವರದಿ

ಹೊಸದಿಲ್ಲಿ: ಅಂತಾ ರಾಜ್ಯ ಮತ್ತು ವಿದೇಶಕ್ಕೆ ತೆರಳು ವವರು ಇನ್ನು ಮುಂದೆ ತಮ್ಮ ಆರ್‌ಟಿ- ಪಿಸಿಆರ್‌ ಪರೀಕ್ಷಾ ವರದಿಯನ್ನು ಕೋವಿನ್‌ ಪೋರ್ಟಲ್‌ನಲ್ಲೇ ಪಡೆಯಬಹುದು. ಲಸಿಕೆ ಪ್ರಮಾಣ ಪತ್ರವನ್ನು ಕೋವಿನ್‌ ಪೋರ್ಟಲ್‌ಗೆ ಅಟ್ಯಾಚ್‌ ಮಾಡಿರುವ ಮಾದರಿಯಲ್ಲೇ ಕೊರೊನಾ ಪರೀಕ್ಷಾ ವರದಿ ಯನ್ನೂ ಲಿಂಕ್‌ ಮಾಡಲು ಸರಕಾರ ಚಿಂತನೆ ನಡೆಸಿದೆ.

ಐಸಿಎಂಆರ್‌ ಸಹ ಭಾಗಿತ್ವದಲ್ಲಿ ಡಿಜಿಟಲ್‌ ಸಹಿ ಹೊಂದಿರುವ ಪರೀಕ್ಷಾ ಪ್ರಮಾಣ ಪತ್ರವನ್ನು ಕೋವಿನ್‌ ಪೋರ್ಟಲ್‌ನಿಂದ ಡೌನ್‌ಲೋಡ್‌ ಮಾಡುವ ವ್ಯವಸ್ಥೆ ಅಭಿವೃದ್ಧಿಪಡಿಸಲಾಗುತ್ತಿದೆ.