ರೂಪಾಂತರಿತ ಕೋವಿಡ್ ವೈರಾಣು ಕಲ್ಚರ್‌ ಯಶಸ್ವಿ

ಹೊಸದಿಲ್ಲಿ: ಕೊರೊನಾ ವೈರಾಣುವಿನ ಬ್ರಿಟನ್‌ ರೂಪಾಂತರಿತ ತಳಿಯನ್ನು ನಿಯಂತ್ರಿತ ವಾತಾವರಣದಲ್ಲಿ ಬೆಳೆಸುವ (ಕಲ್ಚರ್‌) ಪ್ರಯತ್ನ ಯಶಸ್ವಿ ಯಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನ ಮಂಡಳಿ (ಐಸಿಎಂಆರ್‌) ಶನಿವಾರ ಹೇಳಿದೆ.

ಈ ಸಾಧನೆ ನಮ್ಮಲ್ಲಿಯೇ ಪ್ರಥಮ, ಬೇರಾವುದೇ ದೇಶ ಇದರಲ್ಲಿ ಯಶಸ್ವಿಯಾಗಿಲ್ಲ ಎಂದು ಐಸಿಎಂಆರ್‌ ಹೇಳಿದೆ. “ರೂಪಾಂತರಿತ ವೈರಾಣುವನ್ನು ಎಲ್ಲ ಗುಣಲಕ್ಷಣಗಳ ಸಹಿತ ಪ್ರತ್ಯೇಕಿಸಿ ರಾಷ್ಟ್ರೀಯ ವೈರಾಣು ಇನ್‌ಸ್ಟಿಟ್ಯೂಟ್‌ (ಎನ್‌ಐವಿ)ನಲ್ಲಿ ಕಲ್ಚರ್‌ ಮಾಡಲಾಗಿದೆ’ ಎಂದು ಐಸಿಎಂಆರ್‌ ಹೇಳಿಕೆ ತಿಳಿಸಿದೆ.