ಕೋವಿಡ್‌: ಪ್ರೊ ಹಾಕಿ ಸರಣಿ ಮುಂದೂಡಿಕೆ

ಭುವನೇಶ್ವರ: ಜರ್ಮನಿ ತಂಡದಲ್ಲಿ ಭಾರೀ ಸಂಖ್ಯೆಯಲ್ಲಿ ಕೋವಿಡ್‌ ಪಾಸಿಟಿವ್‌ ಕಂಡುಬಂದ ಕಾರಣ ಭಾರತ ವಿರುದ್ಧದ ಪುರುಷರ ಎಫ್‌ಐಎಚ್‌ ಪ್ರೊ ಲೀಗ್‌ ಹಾಕಿ ಸರಣಿಯನ್ನು ಮುಂದೂಡಲಾಗಿದೆ.

ಎರಡು ಸುತ್ತಿನ ಈ ಪಂದ್ಯ ಮಾ. 12 ಮತ್ತು 13ರಂದು ಇಲ್ಲಿನ “ಕಳಿಂಗ ಸ್ಟೇಡಿಯಂ’ನಲ್ಲಿ ನಡೆಯಬೇಕಿತ್ತು. ಎರಡೂ ದೇಶಗಳ ಹಾಕಿ ಮಂಡಳಿಗಳು ಸೇರಿಕೊಂಡು ಮುಂದಿನ ದಿನಾಂಕವನ್ನು ನಿರ್ಧರಿಸಲಿವೆ.

ಆದರೆ ಭಾರತ-ಜರ್ಮನಿ ವನಿತಾ ತಂಡಗಳ ಹಾಕಿ ಸ್ಪರ್ಧೆ ನಿಗದಿತ ವೇಳಾಪಟ್ಟಿಯಂತೆ ವಾರಾಂತ್ಯದಂದು ನಡೆಯಲಿದೆ.