ಲೆಜೆಂಡ್ರಿ ಆ್ಯತ್ಲೀಟ್‌ ಮಿಲ್ಖಾ ಸಿಂಗ್‌ಗೆ ಕೋವಿಡ್

ಚಂಡೀಗಢ: ಭಾರತದ ಲೆಜೆಂಡ್ರಿ ಆ್ಯತ್ಲೀಟ್‌, “ಹಾರುವ ಸಿಕ್ಖ್’ ಖ್ಯಾತಿಯ ಮಿಲ್ಖಾ ಸಿಂಗ್‌ ಅವರಿಗೆ ಕೋವಿಡ್  ಸೋಂಕು ಅಂಟಿದೆ. ಸದ್ಯ ಅವರು ಚಂಡೀಗಢದ ಮನೆಯಲ್ಲೇ ಐಸೊಲೇಶನ್‌ನಲ್ಲಿದ್ದಾರೆ.

“ನಮ್ಮ ಕೆಲವು ಸಹಾಯಕರ ಫ‌ಲಿತಾಂಶ ಪಾಸಿಟಿವ್‌ ಬಂದಿತ್ತು. ಹೀಗಾಗಿ ಕುಟುಂಬದವರೆಲ್ಲರೂ ಕೋವಿಡ್  ಟೆಸ್ಟ್‌ ಮಾಡಿಸಿದೆವು. ನನ್ನ ಫ‌ಲಿತಾಂಶ ಮಾತ್ರ ಪಾಸಿಟಿವ್‌ ಬಂತು. ನನಗೆ ನಿಜಕ್ಕೂ ಅಚ್ಚರಿಯಾಗಿದೆ’ ಎಂದು 91 ವರ್ಷದ ಮಿ ಮಿಲ್ಖಾ ಸಿಂಗ್‌ ಹೇಳಿದರು.

“ನಾನೀಗ ಆರೋಗ್ಯದಿಂದ ಇದ್ದೇನೆ. ಜ್ವರ, ಕಫ‌ ಏನೂ ಇಲ್ಲ. ನಿನ್ನೆಯಷ್ಟೇ ಜಾಗಿಂಗ್‌ ಮಾಡಿದೆ. 3-4 ದಿನಗಳಲ್ಲಿ ನಾನು ಮಾಮೂಲು ಸ್ಥಿತಿಗೆ ಬರಲಿದ್ದೇನೆ ಎಂದು ವೈದ್ಯರು ತಿಳಿಸಿದ್ದಾರೆ’ ಎಂಬುದಾಗಿ ಮಿ ಮಿಲ್ಖಾ ಸಿಂಗ್‌ ತುಂಬು ಆತ್ಮವಿಶ್ವಾಸದಿಂದ ಹೇಳಿದ್ದಾರೆ. ಮಿ ಮಿಲ್ಖಾ ಸಿಂಗ್‌ ಅವರ ಪುತ್ರ, ಖ್ಯಾತ ಗಾಲ್ಫರ್‌ ಜೀವ್‌ ಮಿಲ್ಖಾ ಸಿಂಗ್‌ ದುಬಾೖಯಲ್ಲಿದ್ದು, ಶನಿವಾರ ಭಾರತಕ್ಕೆ ಬರುವುದಾಗಿ ತಿಳಿಸಿದ್ದಾರೆ.