ಪುರಸಭೆ ಸದಸ್ಯನಿಗೆ ಕೋವಿಡ್‌

ಮಹಾಲಿಂಗಪುರ: ಪಟ್ಟಣದಲ್ಲಿ ರವಿವಾರ 53 ವರ್ಷದ ಪುರಸಭೆ ಸದಸ್ಯ ಮತ್ತು ಆಯಿಲ್‌ ಮಿಲ್‌ ಪ್ಲಾಟ್‌ ನ 56 ವರ್ಷದ ಮಹಿಳೆ ಸೇರಿದಂತೆ ಎರಡು ಕೋವಿಡ್ ಪಾಸಿಟಿವ್‌ ಕೇಸ್‌ ಪತ್ತೆಯಾಗಿವೆ.

ಸ್ಥಳೀಯ ಸರಕಾರಿ ಸಮುದಾಯ ಆಸ್ಪತ್ರೆಯ ವೈದ್ಯರು ಮತ್ತು ಸಿಬ್ಬಂದಿಯು ಪಟ್ಟಣದ ಆಯಿಲ್‌ ಮಿಲ್‌ ಪ್ಲಾಟ್‌ ಸೀಲ್‌ಡೌನ್‌ ಏರಿಯಾದಲ್ಲಿ 66 ಜನರ ಕೋವಿಡ್‌ ಪರೀಕ್ಷೆ ನಡೆಸಿದಾಗ ಎರಡು ಕೋವಿಡ್ ಪಾಸಿಟಿವ್‌ ಕೇಸ್‌ ಪತ್ತೆಯಾಗಿವೆ. ಇಬ್ಬರು ಕೋವಿಡ್ ಸೋಂಕಿತರ ವಾಸದ ಏರಿಯಾಗಳನ್ನು ಪುರಸಭೆ ಸಿಬ್ಬಂದಿ ಮತ್ತು ಗ್ರಾಮ ಲೆಕ್ಕಾಧಿಕಾರಿಗಳು ಸೀಲ್‌ಡೌನ್‌ ಮಾಡಿ, ಅವರ ಮನೆಯ ಸದಸ್ಯರನ್ನು ಸಾಂಸ್ಥಿಕ ಕ್ವಾರಂಟೈನ್‌ ಮಾಡಿದ್ದಾರೆ.

ಸೈದಾಪುರದಲ್ಲಿ 19 ಜನರಿಗೆ ಸೊಂಕು: ಸೈದಾಪುರ ಗ್ರಾಮದ ಸಮೀರವಾಡಿಯಲ್ಲಿ 19 ಜನರಿಗೆ ಕೋವಿಡ್ ಪಾಸಿಟಿವ್‌ ಕೇಸ್‌ ಪತ್ತೆಯಾಗಿವೆ. ಗ್ರಾಪಂ ಅಧಿಕಾರಿಗಳು, ಪೊಲೀಸ್‌ ಸಿಬ್ಬಂದಿ ಕೋವಿಡ್ ಪತ್ತೆಯಾದ ಏರಿಯಾಗಳನ್ನು ಸೀಲ್‌ ಡೌನ್‌ ಮಾಡಿ, ಸೊಂಕಿತರ ಕುಟುಂಬ ಸದಸ್ಯರನ್ನು ಸಾಂಸ್ಥಿಕ ಕ್ವಾರಂಟೈನ್‌ ಮಾಡಿದ್ದಾರೆ.

ಕ್ವಾರಂಟೈನ್‌ ಕೇಂದ್ರಕ್ಕೆ ಅಧಿಕಾರಿಗಳ ಭೇಟಿ: ಪಟ್ಟಣದಲ್ಲಿ ಬುದ್ನಿಪಿಡಿ ಬಿಸಿಎಂ ಹಾಸ್ಟೆಲ್‌ದಲ್ಲಿನ ಕೋವಿಡ್ ಕ್ವಾರಂಟೈನ್‌ ಕೇಂದ್ರಕ್ಕೆ ರಬಕವಿ-ಬನಹಟ್ಟಿ ತಹಶೀಲ್ದಾರ್‌ ಪ್ರಶಾಂತ ಚನಗೊಂಡ, ಕಂದಾಯ ಅಧಿಕಾರಿ ಬಸವರಾಜ ತಾಳಿಕೋಟಿ , ಪುರಸಭೆ ಮುಖ್ಯಾಧಿಕಾರಿ ಬಿ.ಆರ್‌. ಕಮತಗಿ, ಕಿರಿಯ ಆರೋಗ್ಯ ನಿರೀಕ್ಷಕರಾದ ರಾಜು ಹೂಗಾರ, ಸಿದ್ದು ಅಳ್ಳಿಮಟ್ಟಿ, ಹಾಸ್ಟೆಲ್‌ ವಾರ್ಡನ್‌ ಪಾಟೀಲ ಸೇರಿದಂತೆ ಹಲವರು ಇದ್ದರು.