ಕೋವಿಡ್ 19 ತಲ್ಲಣ: ಕೇರಳ ಕಂಪ್ಲೀಟ್ ಲಾಕ್ ಡೌನ್

ತಿರುವನಂತಪುರಂ: ಕೋವಿಡ್ 19 ವೈರಸ್ ಮಹಾಮಾರಿ ಕೇರಳದಲ್ಲಿ ತನ್ನ ಪ್ರತಾಪವನ್ನು ಹೆಚ್ಚುಗೊಳಿಸುತ್ತಿದೆ. ಈ ಕಾರಣದಿಂದ ಕಠಿಣ ನಿರ್ಧಾರವನ್ನು ತೆಗೆದುಕೊಂಡಿರುವ ಅಲ್ಲಿನ ರಾಜ್ಯ ಸರಕಾರವು ಇಂದು ಕಂಪ್ಲೀಟ್ ಲಾಕ್ ಡೌನ್ ಸ್ಥಿತಿಯನ್ನು ಘೋಷಿಸಿದೆ.

ಕೇರಳದಲ್ಲಿ ದೇಶದಲ್ಲೇ ಎರಡನೆ ಅತೀ ಹೆಚ್ಚು ಈ ಮಾರಕ ವೈರಸ್ ಪೀಡಿತ ಪ್ರಕರಣಗಳು ದಾಖಲಾಗಿದ್ದು ಈ ಕ್ಷಣದವರೆಗೆ ಈ ರಾಜ್ಯದಲ್ಲಿ ಕೋವಿಡ್ ವೈರಸ್ ನ 95 ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗಿವೆ. ಇಂದು ಒಂದೇ ದಿನದಲ್ಲಿ ಕೇರಳದಲ್ಲಿ 28 ಹೊಸ ಪ್ರಕರಣಗಳು ಪತ್ತೆಯಾಗಿರುವುದು ಆ ರಾಜ್ಯದಲ್ಲಿ ಕಳವಳಕ್ಕೆ ಕಾರಣವಾಗಿದೆ.