ಕ್ವಾರಂಟೈನ್‌ ನಿಂದ ತಪ್ಪಿಸಿಕೊಂಡು ಪ್ರೇಯಸಿ ಮನೆಯಲ್ಲಿ ಇದ್ದ ಯುವಕ ಅಂದರ್‌

ಕ್ವಾರಂಟೈನ್‌ ನಿಂದ ತಪ್ಪಿಸಿಕೊಂಡ 24 ವರ್ಷದ ಯುವಕನೊಬ್ಬನನ್ನು ಆತನ ಪ್ರೇಯಸಿಯ ಮನೆಯಲ್ಲಿ ಪೊಲೀಸರು ಬಂಧಿಸಿದ್ದಾರೆ. ದುಬೈನಿಂದ ಕೆಲ ದಿನಗಳ ಹಿಂದೆ ಬಂದಿದ್ದ ತಮಿಳುನಾಡು ಯುವಕನನ್ನು ಕ್ವಾರಂಟೈನ್‌ ನಲ್ಲಿ ಇಡಲಾಗಿತ್ತು. ಆದರೆ ಅಲ್ಲಿಂದ ತಪ್ಪಿಸಿಕೊಂಡ ಯುವಕ ಎಲ್ಲರ ಕಣ್ತಪ್ಪಿಸಿ ತನ್ನ ಪ್ರೇಯಸಿಯ ಮನೆಯಲ್ಲಿ ಸೇರಿಕೊಂಡಿದ್ದ.

ಬಳಿಕ ಆತನನ್ನು ಪತ್ತೆ ಹಚ್ಚಿದ ಪೊಲೀಸರು ಯುವಕನನ್ನು ಹುಡುಗಿಯ ಮನೆಯಲ್ಲಿ ಬಂಧಿಸಿದರು. ಹುಡುಗಿಯ ಪೋಷಕರು ಮನೆಯಲ್ಲಿ ತಮ್ಮಿಬ್ಬರ ನಡುವಿನ ಸಂಬಂಧಕ್ಕೆ ವಿರೋಧ ವ್ಯಕ್ತಪಡಿಸಿದ್ದರಿಂದ, ಹೀಗೆ ಮಾಡಿದ್ದೇನೆ ಎಂದು ವಿಚಾರಣೆ ವೇಳೆ ಹುಡುಗ ಬಾಯಿಬಿಟ್ಟಿದ್ದಾನೆ. ಸದ್ಯ ಹುಡುಗನ ವಿರುದ್ದ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು, ಹುಡುಗಿಯನ್ನು ಐಸೋಲೇಶನ್‌ಗೆ ದಾಖಲಿಸಿದ್ದಾರೆ.