ಕೊರೊನಾ ವೈರಸ್‌ ಸೋಂಕು: ರಾಜಸ್ಥಾನ ವೈದ್ಯರಿಂದ ಔಷಧ?

ಎಚ್‌ಐವಿ ಸೋಂಕಿತರಿಗೆ ನೀಡಲಾಗುವ ಎರಡು ಔಷಧಗಳನ್ನು ಒಟ್ಟಿಗೆ ಪ್ರಯೋಗಿಸುವ ಮೂಲಕ ಕೊರೊನಾ ವೈರಸ್‌ ಸೋಂಕನ್ನು ಹತೋಟಿಗೆ ತರಬಹುದೆಂಬ ವಿಚಾರವನ್ನು ರಾಜಸ್ಥಾನದ ವೈದ್ಯರು ಕಂಡುಕೊಂಡಿದ್ದಾರೆ ಎಂದು ರಾಜಸ್ಥಾನ ಸರಕಾರ ತಿಳಿಸಿದೆ.

ರಾಜ್ಯದಲ್ಲಿ ಚಿಕಿತ್ಸೆಗೊಳಗಾಗಿರುವ ಕೊರೊನಾ ಸೋಂಕಿತರಿಗೆ ಈ ಔಷಧಗಳ ಸಂಯೋಜನೆಯನ್ನು ಚಿಕಿತ್ಸೆಯ ರೂಪದಲ್ಲಿ ನೀಡಿದಾಗ ಅವರಲ್ಲಿದ್ದ ವೈರಾಣುಗಳು ಹತೋಟಿಗೆ ಬಂದಿರುವುದಾಗಿ ರಾಜಸ್ಥಾನ ಸರಕಾರದ ಪ್ರಧಾನ ಕಾರ್ಯದರ್ಶಿ (ವೈದ್ಯಕೀಯ ಮತ್ತು ಆರೋಗ್ಯ ವಿಭಾಗ) ರೋಹಿತ್‌ ಕುಮಾರ್‌ ತಿಳಿಸಿದ್ದಾರೆ.