ವಿಜಯಪುರದ ಎರಡು ಕುಟುಂಬದ 31 ಜನರಿಗೆ ಕೋವಿಡ್-19 ಸೋಂಕು

ವಿಜಯಪುರ: ಜಿಲ್ಲೆಯಲ್ಲಿ ಸೋಮವಾರ ಒಂದೇ ದಿನ‌ 11 ಜನರಿಗೆ ಕೋವಿಡ್-19 ಸೋಂಕು ದೃಢಪಡುವ ಮೂಲಕ ನಗರದ ಕೇವಲ ಎರಡೇ ಕುಟುಂಬದ 31 ಜನರು ಸೇರಿ ಸೋಂಕಿತರ ಸಂಖ್ಯೆ 32 ಕ್ಕೇರಿದೆ.

ದಿನೇ ದಿನ ಹೆಚ್ಚುತ್ತಿರುವ ಸೋಂಕಿತರ ಸಂಖ್ಯೆಯಿಂದ ಜಿಲ್ಲೆಯ ಜನರು ಆತಂಕ ಪಡುವಂತಾಗಿದೆ. ಏಪ್ರೀಲ್ 12 ರಂದು 6, ಏ.14 ರಂದು 2, ಏ.15 ರಂದು 3, ಏ.16 ರಂದು 7, ಏ.17 ರಂದು 2, ಏ.18 ರಂದು 2 ಸೋಂಕಿತರೊಂದಿಗೆ 21 ಜನರಿಗೆ ಸೋಂಕು ತಗುಲಿತ್ತು. ಏ.20 ರಂದು ಒಂದೇ ದಿನ 11 ಜನರಿಗೆ ಸೋಂಕು ದೃಢಪಡುವ ಮೂಲಕ ಜಿಲ್ಲೆಯಲ್ಲಿ ಏಕಾಏಕಿ ಸೋಂಕಿತರ ಸಂಖ್ಯೆ 32 ಕ್ಕೆ ಏರಿದೆ.

ಏ.20 ರಂದು ದೃಢಪಟ್ಟಿರುವ 11 ಜನ ಸೋಂಕಿತರು ಕೂಡ ಈ ಹಿಂದಿನಂತೆ ಸೋಂಕು ಹರಡಿದ ಎರಡೇ ಕುಟುಂಬದಲ್ಲಿ ದೃಢಪಟ್ಟಿದೆ. ಕೋವಿಡ್-19 ಸೋಂಕಿತರ ಸಂಖ್ಯೆಯಲ್ಲಿ ದಿನೇ ದಿನೆ ಏರಿಕೆಯಾಗುತ್ತಿದ್ದು, ಜಿಲ್ಲೆಯ ಜನರ ಭಯಭೀತರಾಗುವಂತೆ ಮಾಡಿದೆ.